घाइते भेटिएका सैनिकको उपचारका क्रममा मृत्यु- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

घाइते भेटिएका सैनिकको उपचारका क्रममा मृत्यु

कान्तिपुर संंवाददाता

बागलुङ — कालीगण्डकी करिडोरमा काम गर्ने एक सैनिक जमदारको मृत्यु भएको छ । जैमिनी नगरपालिका–७ बेलबगरमा खोला छेउमा अचेत अवस्थामा भेटिएका ३५ वर्षीय तोरणबहादुर थापाको उपचारका क्रममा मृत्यु भएको प्रहरी नायब उपरीक्षक राजेन्द्र रेग्मीले बताए ।

बिहीबार दिउँसो अचेत अवस्थामा भेटिएपछि उपचारका लागि उनलाई पोखरा पठाइएको थियो । मणिपाल शिक्षण अस्पतालमा उपचारकै क्रममा उनको मृत्यु भएको हो ।

सिन्धुलीको सुनकोशी गाउँपालिका–१ का थापा सेनाको करिडोर आयोजनामा काम गर्थे । शरीरमा घाउ भएको अवस्थामा अचेत भेटिएकोले कुटपिट र ढुंगामुढा भएको अनुमान गरिएको प्रहरीले बतायो ।

घटनास्थलमा प्रहरी निरीक्षक दिपक रिजाल सहितको टोली अनुसन्धानका लागि गएको छ । प्रहरीले अहिलेसम्म स्थानीय ५ जनालाई पक्राउ गरेको जनाएको छ । घटनाको थप अनुसन्धान भइरहेको रेग्मीले जानकारी दिए ।

प्रकाशित : आश्विन ३०, २०७७ १४:५२
प्रतिक्रिया
पठाउनुहोस्

कोरोना संक्रमित सशस्त्र प्रहरीको मृत्यु

दीपक परियार

पोखरा — सशस्त्र प्रहरी बल मुस्ताङमा कार्यरत २५ वर्षीय पुरुषको कोरोना संक्रमणबाट बिहीबार राति पोखराको मणिपाल शिक्षण अस्पतालमा मृत्यु भएको छ ।

ढोरपाटन नगरपालिका–७ का उनको उपचारका क्रममा राति साढे ११ बजे मृत्यु भएको प्रदेश स्वास्थ्य निर्देशनालय गण्डकीले पुष्टि गरेको हो ।

आइतबार अस्पताल भर्ना भएका उनलाई मंगलबार कोरोना संक्रमण पुष्टि भएको थियो । यससँगै गण्डकीमा कोरोनाबाट मृत्यु हुनेको संख्या ४८ पुगेको छ । हालसम्म संक्रमितको संख्या ५ हजार ५ सय १ पुगेको छ । तीमध्ये ३ हजार ४ सय ८८ निको भइसकेका छन् ।

प्रकाशित : आश्विन ३०, २०७७ १४:३४
पूरा पढ्नुहोस्
प्रतिक्रिया
पठाउनुहोस्
×