पूर्वी नवलपरासीमा कोरोना संक्रमणबाट युवकको मृत्यु
नवलपरासी — पूर्वी नवलपरासीमा कोरोना संक्रमणबाट शुक्रवार एक युवकको मृत्यु भएको छ । गैंडाकोट नगरपालिका १ का ३६ वर्षका युवकको चितवनस्थित पुरानो मेडिकल कलेजमा उपचारको क्रममा मृत्यु भएको हो ।
जिल्ला स्वास्थ्य कार्यालय पूर्वी नवलपरासीका अनुसार ती युवकको शुक्रबार दिउँसो पौने ४ बजे मृत्यु भएको हो । असोज १८ गते मिर्गौलामा समस्या देखिएर पुरानो मेडिकल कलेजमा भर्ना भएको उनलाई १९ गते कारोना संक्रमण भएको पुष्टि भएको हो । अस्पतालका अनुसार कोभिड आइसीयूमा उपचारका क्रममा उनको मृत्यु भएको हो ।