नवलपरासीका ८२ जना संक्रमित कोरोनामुक्त- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

नवलपरासीका ८२ जना संक्रमित कोरोनामुक्त

नारायण शर्मा

नवलपरासी — पूर्वी नवलपरासीको रजहरस्थित अस्थायी कोरोना अस्पतालमा रहेका ८२ जना संक्रमित कोरोनामुक्त भएका छन् ।
अस्पतालका निर्देशक डा विनोद पौडेलका रहेका १ सय ४० जनाको पीसीआर परीक्षण गरिएकोमा बिहीबार ८२ जनाको रिपोर्ट नेगेटिभ आएको हो ।

अस्पतालमा हालसम्म ५ सय ९९ जना कोरोना संक्रमित आइसोलेसनमा राखेर उपचार गरिएको छ । तीमध्ये ५ सय २७ जना (पटकपटक गरेर ) निको भइसकेका छन् ।

प्राकृतिक चिकित्सा पद्धति अनुसार उपचार गरिने यो चिकित्सालयमा औषधिको प्रयोगबिनै योग, ध्यान र सन्तुलित खानपानको विधि अपनाइन्छ । यहाँको प्राकृतिक चिकित्सालयलाई हाल अस्थायी कोरोना अस्पतालका रुपमा सञ्चालन गरेर संक्रमितको उपचार गरिँदै आएको छ । पूर्वी नवलपरासीमा कोरोना संक्रमणबाट अहिलेसम्म ६ जनाको ज्यान गइसकेको छ ।

प्रकाशित : आश्विन ८, २०७७ १२:२१
प्रतिक्रिया
पठाउनुहोस्

भालुबाङ–प्यूठान सडक अवरुद्ध

गिरुप्रसाद भण्डारी

प्यूठान — लगातारको वर्षापछि आएको पहिरोका कारण भालुबाङ–प्यूठान सडक अवरुद्ध भएको छ । सरुमारानी गाउँपालिका–६ मोतीपुरमा सडक माथिबाट अएको पहिरोका कारण सडक अवरुद्ध भएको जिल्ला प्रहरी कार्यालय प्यूठानका प्रहरी प्रमुख प्रहरी नायब उपरीक्षक सुनिल मल्लले जानकारी दिए । मल्लका अनुसार भालुबाङ–प्यूठान सडक खण्डको ठाउँ–ठाउँमा पहिरो गएको छ ।

अन्य स्थानको पहिरो एस्काभेटर लगाएर हटाए पनि मोतीपुरमा ठूल्ठूला ढुंगासहित सडक माथिबाट ठूलो पहिरो आएकाले सडक खुलाउन समस्या भइरहेको छ । सडक खुलाउन सडक डिभिजन कार्यलय जसपुरसँग समन्वय गरेर एस्काभेटर पठाउने तयारी भएको मल्लले बताए ।

प्यूठान रोल्पा दुई जिल्ला प्रवेश गर्ने मुख्य सडक अवरुद्ध हुँदा दर्जनाैं सवारी साधन बिहीबार बिहानैदेखि गन्तव्यमा पुग्न सकेका छैनन् ।

प्रकाशित : आश्विन ८, २०७७ १२:११
पूरा पढ्नुहोस्
प्रतिक्रिया
पठाउनुहोस्
×