गोरखा क्याम्पसको आइसोलेसनबाट २८ जना डिस्चार्ज
गोरखा — गोरखा क्याम्पसको आइसोलेसनमा उपचाररत २८ जना कोरोना संक्रमित निको भएर मंगलबार घर फर्किएका छन् । ६ पालिकाका ७ महिलासहित २८ जनालाई डिस्चार्ज गरिएको गोरखा अस्पतालका सूचना अधिकारी कृष्ण ढकालले बताए । उनीहरुको दोस्रो पीसीआर रिपोर्ट नेगेटिभ आएको र आइसोलेसन बस्नुपर्ने १४ दिन अवधि पूरा भएपछि डिस्चार्ज गरिएको ढकालले बताए ।
डिस्चार्ज भएकाहरुलाई १४ दिन अनिवार्य होम क्वारेन्टाइनमा वस्न चिकित्सकले सुझाव दिएका छन् ।
प्रकाशित : आश्विन ६, २०७७ १९:३०