लमजुङमा चट्याङले एकको मृत्यु
लमजुङ — बेंसीसहर नगरपालिका–६ पुमागाउँमा चट्याङले सोमबार एक जनाको मृत्यु भएको छ भने एक जना घाइते छन् । स्थानीय ४२ वर्षीय सन्ते विकको मृत्यु भएको हो ।
प्रहरीका अनुसार साँझ साढे ५ बजेतिर परेको चट्याङ लागेर घरमै रहेका विक घाइते भएका थिए । उनलाई लमजुङ जिल्ला सामुदायिक अस्पतालमा बेंसीसहर ल्याइएकोमा उपचारका क्रममा राति सवा ८ बजेतिर मृत्यु भएको डीएसपी गंगाबहादुर थापाले बताए । थापाका अनुसार मंगलबार पोस्टमार्टम गरी शव परिवारलाई बुझाइनेछ ।
चट्याङकै कारण पुमागाउँकै २२ वर्षीया चिजा गुरुङ घाइते भएकी छन् । उनको लमजुङ जिल्ला सामुदायिक अस्पतालमा उपचार भइरहेको प्रहरीले जनाएको छ ।
प्रकाशित : आश्विन ६, २०७७ ०९:५७प्रतिक्रिया
