बागलुङमा पहिरोले एक जनाको मृत्यु, ५ वटा घर भत्किए

जिल्ला प्रहरी बागलुङका निरीक्षक हेम केसीका अनुसार सोमबार बिहान साढे ६ बजेतिर आएको पहिरोले ५ घर पुरिएका थिए । सोही क्रममा पौडेल पनि पुरिएर बेपत्ता भएकोमा स्थानीय र सुरक्षाकर्मीले मृत भेटाएका थिए ।

रातभरिको वर्षापछि बिहान पहिरो खसेको थियो । उज्यालो भएकाले स्थानीय भाग्न सफल भएका थिए । यसैगरी पवित्रादेवी शर्मा, इन्द्र शर्मा, रत्नबहादुर क्षेत्री, तारादेवी क्षेत्री र मृतक पौडेलको घर पहिरोमा परेका छन् । परिवारजनलाई छिमेकीको आश्रयमा राखिएको छ ।

उक्त स्थानमा आइतबार पनि पहिरोले घर पुर्दा ६० वर्षीया महिलाको मृत्यु भएको थियो भने तीन घर भत्काएको थियो ।