कास्कीमा शनिबारदेखि जोर–बिजोर प्रणालीमा निजी सवारी साधन चल्ने- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

कास्कीमा शनिबारदेखि जोर–बिजोर प्रणालीमा निजी सवारी साधन चल्ने

दीपक परियार

पोखरा — कास्कीमा शनिबारदेखि यातायातमा जोर–बिजोर प्रणाली लागू हुने भएको छ । जिल्ला प्रशासन कार्यालय कास्कीले शुक्रबार राति १२ बजेदेखि भदौ २० गते राति १२ बजेसम्म निजी सवारी साधन तथा टयाक्सी चलाउन दिने निर्णय गरेको हो । बिहान ६ बजेदेखि साँझ ९ बजेसम्म जोर–बिजोर प्रणालीमा निजी सवारी साधन र टयाक्सी सञ्चालन हुनेछन् ।

यात्रुबाहक सवारी साधन बस तथा माइक्रो भने चल्न पाउने छैनन् । उक्त अवधिमा होटल तथा रेस्टुरेन्टले साँझ ७ बजेसम्म ‘टेक–अवे’ सेवा दिन सक्नेछन् । यसअघि भदौ २ गते रातिदेखि भदौ १२ गते रातिसम्म कास्कीमा निषेधाज्ञा जारी गरिएको थियो ।

शैक्षिक संस्था, तालिम तथा प्रशिक्षण केन्द्र, सिनेमा हल, पार्टी प्यालेस, फनपार्क, रंगशाला, फुटसल, खेलकुद स्थल, जिमखाना, फिटनेस सेन्टर, स्पा, स्वीमिङ पुल, ब्युटी पार्लर, शैलुन लगायतका सेवा तथा स्थल खोल्न नपाइने प्रमुख जिल्ला अधिकारी ज्ञानप्रसाद ढकालले बताए ।

सरकारी कार्यालय, बैंक तथा वित्तीय संस्था, निर्माण तथा उद्योग भने यसअघि नै स्वास्थ्य सुरक्षा मापदण्ड अनाएर सञ्चालन गर्न दिइएको छ ।

प्रकाशित : भाद्र १२, २०७७ १८:०५
प्रतिक्रिया
पठाउनुहोस्

प्लाज्मा थेरापीबाट २० जना भन्दा बढी कोरोनामुक्त, हालसम्म ४२ जनाले गरे प्लाज्मा दान

कान्तिपुर संवाददाता

काठमाडौँ — स्वास्थ्य तथा जनसंख्या मन्त्रालयले नेपालमा प्लाज्मा थेरापीबाट उपचार गरी २० जना भन्दा बढी मानिसहरु कोरोनामुक्त भएको जनाएको छ ।

मन्त्रालयले आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले हालसम्म ४२ जनाले प्लाज्मा दान गरिसकेको जनाए ।

ग्रान्डी इन्टरनेसनल अस्पताल ब्लड बैँकमा अहिलेसम्म २० देखि ५९ वर्षका ३७ जना, त्रिवि शिक्षण अस्पतालमा २ जना, बुटवल अस्पतालमा २ जना र बीपी कोइराला स्वास्थ्य विज्ञान प्रतिष्ठानमा १ जना गरी ४२ जनाले प्लाज्मा दान गरेको मन्त्रालयले बताएको हो ।

डा गौतमले कोभिड १९ का संक्रमित व्यक्तिहरुका लागि नियमित रक्तदान गर्न चाहने व्यक्ति तथा संस्थाले सुरक्षित तवरबाट रक्तदान गर्न सम्बन्धित अस्पताल, रेडक्रससँग समन्वय गरी सहयोग गर्न आग्रह गरे ।

प्रकाशित : भाद्र १२, २०७७ १७:५०
पूरा पढ्नुहोस्
प्रतिक्रिया
पठाउनुहोस्
×