संकल्प प्रस्ताव बहुमतले अस्वीकृत- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

संकल्प प्रस्ताव बहुमतले अस्वीकृत

प्रतीक्षा काफ्ले

गण्डकी — एक घर, एक पीसीआर नभए, एकलाख ५० हजार जनाको पीसीआर गर्नुपर्ने मागसहित गण्डकी प्रदेशसभामा प्रमुख प्रतिपक्ष कांग्रेसले पेश गरेको संकल्प प्रस्ताव बहुमतले अस्वीकृत भएको छ ।

कांग्रेस सांसद कुमार खड्का, कांग्रेस संसदीय दलका उपनेता मेखलाल श्रेष्ठ र सांसद सरिता गुरुङले असार २३ मा प्रस्ताव दर्ता गरेका थिए ।

संकल्प प्रस्तावमाथि छलफल नभएको भन्दै कांग्रेसले साउन १२ को प्रदेशसभा बैठक अवरुद्ध गरेको थियो । त्यसपछि बिहीबार बैठक सञ्चालन भएको हो । साउन ५ को बैठकमा कार्यसूचीमा संकल्प प्रस्ताव समावेश भएको भएपनि छलफल हुन भने सकेको थिएन । संकल्प प्रस्ताव अघि नबढाएसम्म संसदमा कुनै पनि विधेयक अघि नबढाउने कांग्रेसले अडान लिएको थियो ।

सांसद श्रेष्ठले पीसीआर परीक्षण जनताको लागि माग गरिएको बताउँदै भने, ‘हामीले चाहेको पनि यही हो । अस्वीकृत हुन्छ भन्ने थाहा थियो । नेकपाको बहुमतको सरकार छ कांग्रेस प्रतिपक्षमा छ । प्रतिपक्षको माग कसरी पुरा हुन्छ र ? यसतर्फ सरकार उत्तरदायी देखिएन ।’ जनताको नैसर्गिक अधिकारप्रति पनि सरकार अनुतरदायी देखिएको उनले बताए ।

विश्व स्वास्थ्य संगठन र नेपाल सरकारले तय गरेको मापदण्ड अनुसारको क्वारेन्टाइनको व्यवस्था तत्काल मिलाउन, स्वास्थ्य जनशक्ति भेन्टिलेटर लगायतका आवश्यक स्वास्थ्य उपकरणयुक्त आईसीयू र आइसोलेसन कक्षको व्यवस्था निर्माण गर्न, कोरोनाको कारण मृत्यु हुनेको शव व्यवस्थापन गर्न गण्डकीका ११ वटै जिल्लामा स्थान तत्काल व्यवस्था गर्ने माग राख्दै संकल्प प्रस्ताव पेश गरेको खड्काले बताए ।

प्रकाशित : श्रावण २२, २०७७ १८:११
प्रतिक्रिया
पठाउनुहोस्

सान्चेज स्थायी रूपमा इन्टरमा

एजेन्सी

मिलान — इन्टर मिलानले स्थायी रूपमा म्यानचेस्टर युनाइटेड फरवार्ड एलेक्स सान्चेजलाई बिहीबार अनुबन्धन गरेको छ । अनुबन्धन तीन वर्षका लागि रहेको छ । सन् २०१९ को अगस्टमा चिलीका अन्तर्राष्ट्रिय खेलाडी ऋणमा सिरी ए क्लबमा आएका हुन् । 

इन्टर आएयता उनले २९ खेलमा चार गोल गरेका छन् । यसअघि म्यानचेस्टरका व्यवस्थापक ओल गन सोल्सारले भनेको थिए, ‘सान्चेज इन्टर जाने निश्चित भएको छ । उनी पूर्णत: व्यवसायिक खेलाडी हुन्, हाम्रो शुभकामना छ ।’

सन् २०१८ मा सान्चेज आर्सनलबाट म्यानचेस्टर आएका थिए र उनले ४५ खेलमा पाँच गोल गरे । उनका लागि म्यानचेस्टरको बसाइ सुखद रहेन् । त्यहाँ प्रतिसाता चार लाख पाउन्ड पारिश्रमिक पनि समस्याको कारण बनेको थियो ।

एक वर्षभित्र म्यानचेस्टरबाट इन्टर जाने उनी तेस्रो खेलाडी हुन् ।यसअघि रोमेलु लुकाकु र एस्ली योङले पनि प्रिमियर लिगबाट सिरी ए को यात्रा गरेका थिए ।

प्रकाशित : श्रावण २२, २०७७ १८:०२
पूरा पढ्नुहोस्
प्रतिक्रिया
पठाउनुहोस्
×