कान्तिपुर वेबसाईट
AdvertisementAdvertisement

एकतर्फी खुल्यो सिदार्थ राजमार्ग    

प्रतीक्षा काफ्ले

स्याङ्जा — पहिरो जाँदा अवरुद्ध भएको सिदार्थ राजमार्गको स्याङ्जा सडकखण्ड एकतर्फी खुलेको छ । पुतलीबजारस्थित हेलु, बर्जा, हरिपाला र भुपु सैनिक टोललगायत विभिन्न स्थानमा गएको पहिरोले बिहानदेखि नै सिदार्थ राजमार्ग अवरुद्ध थियो । 

बाटो खुलाउनको लागि बिहानदेखि नै डोजर लगाइएको जिल्ला प्रहरी प्रवक्ता डीएसपी राजेन्द्र अधिकारीले जानकारी दिए । उनका अनुसार एकतर्फी बाटो खुलाएर जाममा परेका सवारी साधनलाई ओहोरदोहोर गराएका छन् । डोजर लगाएर पहिरो पन्छाउने काम जारी रहेको उनले बताए ।


प्रकाशित : असार २९, २०७७ १५:२१
प्रतिक्रिया
पठाउनुहोस्

म्यानचेस्टर सिटीमाथि लागेको प्रतिबन्ध उल्टियो

एजेन्सी

लन्डन — म्यानचेस्टर सिटीले युरोपेली क्लब फुटबल खेल्नबाट लागेको दुई वर्षको प्रतिबन्ध सोमबार उल्टाएको छ । कोर्ट अफ आर्बिट्रेसन (कास) ले आफ्नो निर्णय सुनाउने क्रममा सिटीले आर्थिक आचारसंहिता उल्लंघन नगरेको जनाएको छ ।

युरोपेली फुटबल महासंघ (यूईएफए) ले सन् २०१२ देखि २०१६ बीच सिटीले आर्थिक नियम उल्लंघन गरेको आरोपमा फेब्रुअरीमा दुई वर्ष युरोपमा खेल्नबाट प्रतिबन्ध लगाएको थियो ।

यस्तै महासंघले क्लबमाथि तीन करोड युरो पनि जरिबाना गरेको थियो । कासले भनेको छ, ‘सिटीले युरोपेली फुटबल महासंघसँग समन्वय गर्न सफल रहे पनि कारबाही नै आवश्यक छैन ।’

सिटीले भने कासको निर्णयको स्वागत गर्दै आफूले आर्थिक नियम उल्लंघन नगरेको फेरि दोहोर्‍याएको छ ।

प्रकाशित : असार २९, २०७७ १५:०८
पूरा पढ्नुहोस्
प्रतिक्रिया
पठाउनुहोस्
×