कान्तिपुर वेबसाईट
AdvertisementAdvertisement

लमजुङमा पहिरोमा मृत्यु भएकाका परिवारलाई ३ लाख राहत

आश गुरुङ

लमजुङ — पहिरोमा परी मृत्यु भएका ३ जनालाई विपद व्यवस्थापन समिति लमजुङले ३ लाख रुपैयाँ राहत प्रदान गरेको छ । भीषण पानी परिरहेको बेला बिहीबार राति घर माथिबाट एक्कासी आएको पहिरोले पुरिँदा बेंसीसहर नगरपालिका १०, खाँचेका ३३ वर्षीय दीपक तामाङ, उनका पत्नि २७ वर्षीया भीममाया र छोरा १० वर्षीयको छेवाङको घटनास्थलमै मृत्यु भएको थियो ।

लमजुङको बेंसीसहर नगरपालिका ७, सातबिसेमा पहिरोमा मृत्यु भएका तामाङका परिवारलाई राहतस्वरुप ३ लाख रुपैयाँ प्रदान गरिँदै । तस्बिरः कान्तिपुर ।

मृतक प्रतिव्यक्ति १/१ लाख रुपैयाँका दरले राहत दिइएको प्रशासनले जनाएको छ ।

प्रमुख जिल्ला अधिकारी कृष्णप्रसाद शर्माले शुक्रबार दिउँसो मृतक दीपकका बुवा हर्कबहादुरलाई ३ लाख रुपैयाँ हस्तान्तरण गरेका हुन् । विपद्‍मा परेर मृत्यु भएमा सरकारले जनही १ लाख रुपैयाँ राहत दिने व्यवस्था छ । राहत वितरणमा प्रजिअ शर्मासहित डीएसपी गंगाबहादुर थापा, सशस्त्र डीएसपी रमेशकुमार गुरुङलगायतको टोली हर्कबहादुर बसेको छोरी सावित्रीको घरमा पुगेको थियो ।

बिहीबार राति पौने ११ बजेतिर पहिरो गएपछि नेपाल प्रहरी र सशस्त्र प्रहरी साथै स्थानीयले उद्धार गरी भीममायाको शव राति १२:५० बजेतिर निकालेका थिए । दीपक र उनको छोराको शव २:४५ बजे सँगै फेला परेको डीएसपी थापाले बताए ।

प्रकाशित : असार २६, २०७७ १७:२१
प्रतिक्रिया
पठाउनुहोस्

च्याम्पियन्स लिगको ड्र निकालियो

एजेन्सी

लिस्वन — युरोपेली च्याम्पियन्स लिगको शुक्रबार क्वाटर फाइनल ड्र निकालिएको छ । कोरोना भाइरस संक्रमण महामारीका कारण रोकिएको युरोपेली क्लब फुटबलको सबैभन्दा ठूलो प्रतियोगिताका अन्तिम आठका खेल पोर्चुगलमा हुनेछन् ।

ड्र अनुसार रियल म्याड्रिड/म्यानचेस्टर सिटीविरुद्ध लियोन/युभेन्ट्स, आरबी लेइपजिगविरुद्ध एटलेटिको म्याड्रिड,नेपोली/बार्सिलोनाविरुद्ध चेल्सी/बायर्न म्युनिक तथा एटलान्टाविरुद्ध पेरिस सेन्ट जर्मेन (पीएसजी) रहेका छन् ।

प्रतियोगिताका अन्तिम १६ का खेल अझै सकिएको भने छैन् । प्रतियोगिता अब एउटा सिंगो र सानो नकआउट प्रतिस्पर्धाका रूपमा अगस्टमा हुनेछ ।

प्रकाशित : असार २६, २०७७ १६:३८
पूरा पढ्नुहोस्
प्रतिक्रिया
पठाउनुहोस्
×