कान्तिपुर वेबसाईट
AdvertisementAdvertisement

बालविवाहको आरोपमा ५ जना पक्राउ

सम्झना रसाइली

तनहुँ — जिल्लाको व्यास नगरपालिकामा बुधबार बालबिवाह गर्ने/गराउने ५ जना पक्राउ परेका छन् । व्यास–११ स्थित विवाह भइरहेको अवस्थामा बेहुलासहित ५ जनालाई पक्राउ गरिएको जिल्ला प्रहरी कार्यालयले जनाएको छ ।

व्यास–११ बस्ने १४ वर्षीया बालिकासँग विवाह गर्न आएका गोरखाको सहिद लखन गाउँपालिका–२ का २३ वर्षीय सन्तोष अर्यालसहित उनका बाबु, बालिका (बेहुली)का बाबुआमा र विवाह गराउने पण्डितलाई मण्डपबाटै पक्राउ गरिएको जिल्ला प्रहरी कार्यालयका प्रहरी नायव उपरीक्षक युवराज तिमिल्सिनाले बताए ।

गोरखास्थित आफन्तको घर जाँदा बालिका र युवकको चिनजान भएको र बिस्तारै उनीहरुमा प्रेम सम्बन्ध बसेको प्रहरी उपरीक्षक अरुण पौडेलले बताए । उनले भने, ‘परिवारले दुईको प्रेम सम्बन्धबारे थाह पाएपछि सल्लाह गरेर विवाह गरिदिने भनेर विवाहको तयारी गरिएका रहेछन् ।’

विधिवत् रुपमा बालविवाह हुँदै गरेको अवस्थामा उनीहरुलाई पक्राउ गरिएको हो । ‘बालिका बेहुलीको पोसाकमा सजिएर घुम्टो ओडी, सिउँदोमा सिन्दुरसमेत हालीसकेको र विवाह सम्पन्न भई अन्माउने अवस्थामा पक्राउ गरिएको हो’, उनले भने, ‘बेहुला, बेहुलाको बाबुआमा, बेहुलीको बाबुआमा र विवाह गराउने पण्डितलाई समेत नियन्त्रणमा लिइएको छ ।’

उनीहरुलाई कानुनबमोजिम बिहीबार जिल्ला अदालतबाट म्याद थप अनुमति लिई अनुसन्धान भइरहेको जिल्ला प्रहरी कार्यालयले जनाएको छ ।

प्रकाशित : असार २५, २०७७ १९:३९
प्रतिक्रिया
पठाउनुहोस्

सीमा क्षेत्रमा चार बीओपी स्थापना

भवानी भट्ट

कञ्चनपुर — सशस्त्र प्रहरीले कञ्चनपुरमा ४ वटा बीओपी (बर्डर आउट पोष्ट) स्थापना गरेको छ । सशस्त्रले पुनर्वास नगरपालिका, बेलौरी नगरपालिका र महाकाली नगरपालिकामा बीओपी स्थापना गरेको हो ।

जिल्लाको दक्षिणी क्षेत्रमा पर्ने पुनर्वास नगरपालिका १० को दोदा, बेलौरी नगरपालिका १० को भुडा र वडा नम्बर २ को थापा चौरा तथा महाकाली नगरपालिका १ को बयलबन्दमा स्थापना गरिएको बीओपीहरु सशस्त्र प्रहरी सुदूरपश्चिम बाहिनीका बाहिनीपति हरिशंकर बुढाथोकीले उद्घाटन गरे । सबै बीओपीमा सशस्त्र प्रहरी निरीक्षकको कमान्डमा ३५ जनाको टोली रहेको छ ।

कञ्चनपुरमा यसअघि सीमा क्षेत्रमा ६ वटा बीओपीहरु स्थापना भइसकेका छन् । बीओपीहरु ब्रहृमदेव, महाकाली नगरपालिका, बेलौरी, बेलडाडी र पुनर्वास नगरपालिकामा छन् ।

प्रकाशित : असार २५, २०७७ १९:३३
पूरा पढ्नुहोस्
प्रतिक्रिया
पठाउनुहोस्
×