कान्तिपुर वेबसाईट
AdvertisementAdvertisement

बुधबारमात्रै बागलुङबाट ४२ जना कोरोना निको भएर घर फर्के

प्रकाश बराल

बागलुङ — जिल्लाको धौलागिरि अञ्चल अस्पतालको आइसोलेसनमा ७ र बुर्तिवाङस्थित दुइटा प्रि-आइसोलेसनमा बसेका ३५ गरी ४२ जना कोरोना संक्रमणमुक्त भएर बुधबार घर फर्केका छन् ।

उनीहरुको दोस्रो पटकको पीसीआर परीक्षण नेगेटिभ रिपोर्ट आएपछि डिस्चार्ज गरिएको हो । तीमध्ये ७ जनालाई धौलागिरि अञ्चल अस्पतालका मेडिकल सुपरिटेण्डेन्ट डा. शैलेन्द्र पोखरेल र बुर्तिवाङ प्राथमिक स्वास्थ्य केन्द्रका ३५ जनालाई केन्द्र प्रमुख डा. मिलन मल्लले बिदाई गरे ।

डिस्चार्ज भएकालाई दुई साता होम क्वारेन्टाइनमा बस्न भनिएको छ । बुर्तिवाङबाट डिस्चार्ज हुनेमा ७ जना महिला छन् । डिस्चार्ज हुनेमा काठेखोला गाउँपालिकाका ७ जना छन् । त्यस्तै बडिगाड गाउँपालिकाका १५, ढोरपाटन नगरपालिकाका १७, निसीखोलाका २ र तमानखोलाका १ जना छन् ।

जिल्ला स्वास्थ्य प्रमुख सुरज गुरौका अनुसार बुधबारसम्म संक्रमित संख्या २११ पुगेको छ । जसमध्ये १ सय ५७ निको भइसकेका छन् । अब ५४ जनामात्रै आइसोलेसनमा रहेको स्वास्थ्य प्रमुख गुरौ बताए ।

प्रकाशित : असार २४, २०७७ १९:३२
प्रतिक्रिया
पठाउनुहोस्

ओली-दाहाल दुई घन्टा छलफल, निस्किएन निष्कर्ष

कान्तिपुर संवाददाता

काठमाडौँ — नेकपा अध्यक्षद्वय केपी शर्मा ओली र पुष्पकमल दाहालबीच झन्डै दुई घन्टा भएको छलफल भएको छ । पार्टीको आन्तरिक विवादलाई लिएर अध्यक्षद्वयबीच बुधबार साँझ प्रधानमन्त्री निवास बालुवाटारमा भएको छलफल बिनानिष्कर्ष सकिएको हो । बुधबारको छलफलमा ओली-दाहाल मात्र थिए ।  

फाइल तस्बिर

दुवै नेताबीच भएको छलफलबाट कुनै निष्कर्ष ननिस्किएको दाहालका प्रेस संयोजक बिष्णु सापकोटाले बताए ।

असार १० गतेदेखि चलिरहेको स्थायी कमिटी बैठक २६ गतेसम्मका लागि स्थगित गरेर ओली र दाहाल छलफलमा जुटेका थिए ।

पार्टी अध्यक्ष र सरकारको नेतृत्वबाट राजीनामा गर्न स्थायी कमिटी सदस्यहरूले माग गरेका थिए । सचिवालयका सदस्यहरूले पनि सोही माग दोहोर्‍याएका थिए । त्यसपछि अध्यक्ष तथा प्रधानमन्त्री ओलीले दुवै अध्यक्ष बसेर छलफलबाट समाधान निकाल्नुपर्ने नभए पार्टी विभाजन हुने बताएका थिए ।

स्थायी कमिटी बैठक चलिरहेका बेला संसद् अधिवेशन अन्त्य गरेपछि नेकपाभित्रको विवाद झन् चुलिएको थियो ।

प्रकाशित : असार २४, २०७७ १९:१४
पूरा पढ्नुहोस्
प्रतिक्रिया
पठाउनुहोस्
×