मुस्ताङमा पनि देखियो कोरोना
पोखरा — मुस्ताङमा पहिलो कोरोना संक्रमित भेटिएका छन् । घरपजोङ गाउँपालिकाका ८३ वर्षीय वृद्धमा शनिबार कोरोना संक्रमण पुष्टि भएको हो । ती वृद्धलाई आइसोलेसनमा लैजाने तयारी भइरहेको प्रदेश स्वास्थ्य निर्देशनालयले जनाएको छ । यससँगै गण्डकीका ११ वटै जिल्लामा कोरोना संक्रमित भेटिएका छन् ।
गण्डकीमा हालसम्म कोरोना संक्रमितको संख्या ४ सय ८८ पुगेको छ । शनिबार मात्रै यहा १ सय ८ कोरोना संक्रमित थपिएका हुन् । निर्देशनालयका अनुसार शनिबार तनहुँमा २७, नवलपुरमा ३४, गोरखामा ५, म्याग्दीमा १, कास्कीमा २, स्याङ्जामा १, बाग्लुङमा ३७ र मुस्ताङमा १ जनामा कोरोना संक्रमण पुष्टि भएको छ ।
प्रकाशित : असार ६, २०७७ २१:२३