नवलपरासीमा हावाहुरीले कुखुराको खोर भत्किँदा २ जनाको मृत्यु
नवलपरासी — गैंडाकोटमा आइतबार हावाहुरीले कुखुराको खोर भत्किँदा २ जनाको मृत्यु भएको छ । इलाका प्रहरी कार्यालय गैंडाकोटका प्रहरी निरीक्षक चन्द्रबहादुर थापाका अनुसार गैंडाकोट नगरपालिका ८ का ३५ वर्षीय काशीनाथ पौडेल र ४५ वर्षीय सूर्यबहादुर भण्डारीको खोर भत्कँदा च्यापिएर ज्यान गएको हो । मृतक दुवै कुखुरा पालक हुन् ।
खोरले च्यापेर पौडेल र भण्डारी सख्त भएका थिए । घाइते दुवैलाई प्रहरीले भरतपुर अस्पतालमा लगिएकोमा आइतबार साँझ चिकित्सकले मृत घोषणा गरेका हुन् ।
उनीहरु दुवै मिलेर गैंडाकोट नगरपालिका ६ को बोटे टोलमा कुखुरा फर्म खोलेका थिए ।
प्रकाशित : जेष्ठ ११, २०७७ २१:३४