भरुवा बन्दुकसहित दुई पक्राउ
गोरखा — एक नाल अवैध भरुवा बन्दुकसहित दुई जना पक्राउ परेका छन् । धार्चे गाउँपालिका–६ काशीगाउँका ४९ वर्षीय मान घले र उनका छोरा २० वर्षीय नौबहादुरलाई बन्दुकसहित पक्राउ गरिएको प्रहरीले जनाएको छ ।
आरुघाट गाउँपालिका–१ नौवनस्थित गोठमा अवैध रुपमा लुकाइछिपाइ राखेको अवस्थामा १ नाल भरुवा बन्दुक र छर्रासहित बन्दुकमा प्रयोग हुने सामानहरु बरामद गरिएको जिल्ला प्रहरी प्रमुख एसपी ओम अधिकारीले बताए । पक्राउ परेकाहरुलाई हातहतियार तथा खरखजना ऐनअनुसार कारबाही गरिने प्रहरीले जनाएको छ ।
प्रकाशित : जेष्ठ ११, २०७७ १९:४८