चेपाङ बस्तीमा ४ जनामा दादुरा संक्रमण

‘शंकास्पद बिरामी भेटिएको जानकारी आएपछि वैशाख १७ गते रगत संकलन गरेर परीक्षणको लागि टेकु पठाएका थियौँ,’ न्यौपानलेले भने,‘आइतबार रिपोर्ट प्राप्त गर्‍यौं, ४ जनाको रिपोर्ट पोजिटिभ आयो, एक जनाको नेगेटिभ आएको छ ।’

४ बिरामीलाई भिटाभिन ‘ए’को औषधि खुवाइसकिएको उनले बताए । ‘दादुरा–रुबेला विरुद्घको खोप नलगाएकाले अहिले संक्रमण देखिएको हो, उहाँहरुलाई सोधपुछ गर्दा पनि खोपको लगाएको थाह नै पाएका छैनौं भन्नुहुन्छ,’ न्यौपानेले भने ।

अब उक्त गाउँपालिकाभरि खोप कार्यक्रम सुरु गर्ने तयारी गरिएको छ । ९ महिनादेखि ५ वर्षसम्मका बालबालिकालाई लक्षित गरेर वैशाख अन्तिम साताबाट खोप कार्यक्रम सुरु गर्ने न्यौपानेले बताए । ‘वैशाख २३ गते गाउँपालिकाका प्रत्येक वडामा छलफल हुन्छ,’ उनले भने,‘दादुरा, रुवेला दुवैलाई हुने गरेर खोप कार्यक्रम चल्छ ।’