सिराहाबाट बन्दीपुर आएका चार जना क्‍वारेन्टाइनमा

सम्झना रसाइली

तनहुँ — लकडाउन लागू भएपछि सिराहाबाट तनहुँको बन्दीपुर गाउँपालिका आएका ४ जनालाई क्‍वारेन्टाइनमा राखिएको छ । उनीहरुलाई बन्दीपुर–४ टुँडीखेलस्थित रत्नज्योति निम्न माध्यमिक विद्यालयमा निर्माण गरिएको क्‍वारेन्टाइनमा राखिएको जिल्ला स्वास्थ्य कार्यालयका प्रमुख शंकरबाबु अधिकारीले बताए ।

‘३/४ दिन अगाडि बन्दीपुर आइपुगेका उनीहरुलाई कम्तीमा १४ दिन क्वारेन्टाइनमै राखिनेछ,’ प्रमुख अधिकारीले भने, ‘गाउँपालिकाको निगरानीमा राखेर उनीहरुको समय–समयमा स्वास्थ्य परीक्षण पनि गरिनेछ ।’सिराहा घर भई बन्दीपुरस्थित आयुर्वेद पसलमा कार्यरत श्रीमान्, श्रीमती र उनीहरुका दुई छोरालाई क्वारेन्टाइनमा राखिएको उनले बताए ।

जिल्लाका अन्य स्थानीय तहले निर्माण गरेका क्वारेन्टाइनमा भने कोही बसेका छैनन् । यसअघि व्यास नगरपालिका–५ स्थित पराशर आधारभूत विद्यालयमा २ र देवघाट गाउँपालिका–५ स्थित धर्माथ अस्पतालमा एक जना क्वारेन्टाइनमा बसेका थिए । क्वारेन्टाइनमा बसेको १४ दिन पछि स्वास्थ्य परीक्षण गरेर कोभिड–१९ को कुनै पनि लक्षण नदेखिएपछि उनीहरुलाई घर पठाइएको कार्यालय प्रमुख अधिकारीले बताए ।


प्रकाशित : वैशाख १२, २०७७ २२:५३
प्रतिक्रिया
पठाउनुहोस्

हजार कुखुरा जले

सम्झना रसाइली

तनहुँ — जिल्लाको भानु नगरपालिका–२ भकुन्थोकस्थित एक कुखुरा फार्ममा शुक्रबार बिहान आगलागी भएको छ । आगलागीबाट भौतिक संरचना तथा खोरमा भएका ब्रोइलर कुखुरा गरी करिब ७ लाख रुपैयाँ बराबरको क्षति भएको जिल्ला प्रहरी कार्यालयले जनाएको छ ।

बिहान करिब ३ बजे विद्युत् चुहिएर आगलागी भएको प्रहरीको अनुमान छ । खरको छानो रहेकाले कुखुराको खोर पूर्ण नष्ट भएको डीएसपी लिलाराज लामिछानेले बताए । जलेर नष्ट हुने कुखुराहरु ३७ दिनका थिए । खोरका कुखुरामध्ये करिब २० वटा कुखुरामात्रै जीवित भेटिएको प्रहरी कार्यालयले जनाएको छ ।

प्रकाशित : वैशाख १२, २०७७ २१:३४
पूरा पढ्नुहोस्
प्रतिक्रिया
पठाउनुहोस्
×