चट्याङ लागेर पर्वतमा एक जनाको मृत्यु
पर्वत — आइतबार साँझ परेको चट्याङले पर्वतकी एक महिलाको ज्यान गएको छ । फलेबास नगरपालिका–३ शंकरपोखरीको टारीकी २८ वर्षीया कल्पना भुसालको ज्यान गएको हो ।
बाख्रा चराउन गएकी भुसाल हावाहुरीसहित एक्कासि वर्षा भएपछि बाख्रा लिएर घर फर्किंदै थिइन् । स्थानीयका अनुसार बाख्रा घर ल्याइसकेर खोरमा थुन्ने क्रममा परेको चट्याङ लागेर उनी घाइते भएकी थिइन् ।
उपचारका लागि पर्वत अस्पताल ल्याइएकोमा अस्पतालमै उनको मृत्यू भएको पर्वत प्रहरीले जनाएको छ । भुसालको सोमबार पोस्टमार्टम गरी आफन्तलाई शव बुझाइने जिल्ला प्रहरी कार्यालयले जनाएको छ ।
प्रकाशित : वैशाख ८, २०७७ १३:२०प्रतिक्रिया