नवलपरासी — कालीगण्डकी नदीमा पौडी खेल्दा मंगलबार साँझ एक जना बेपत्ता भएका छन् । जिल्ला प्रहरीका डिएसपी मोहन खाँडका अनुसार बुलिङटार–६ स्थित घुमाउरी पुलमुनि पौडी खेल्ने क्रममा हिमाल चितौरे सार्कीलाई नदीले बगाएको हो ।
उनी बैदीकाली गाउँपालिका–१ मिथुकरकका बासिन्दा हुन् । उनको खोजी भइरहेको प्रहरीले जानकारी दिएको छ ।
चार दिनअघि कालीगण्डकी तर्दा बेपत्ता भएकी ११ वर्षीया बालिकाको शव २ दिनपछि फेला परेको थियो ।