लकडाउन अवज्ञा गरी चलाइएको मोटरसाइकल दुर्घटना, १ को मृत्यु, २ सख्त घाइते

नारायण शर्मा

नवलपरासी — मध्यविन्दु नगरपालिकाको अम्रसामा लकडाउनको अवज्ञा गरी चलाइएको मोटरसाइकल दुर्घटनामा हुँदा १ जनाको मृत्यु भएको छ । २ जना घाइते भएका छन् । उनीहरु एउटै मोटरसाइकलमा चढेका थिए ।

चोरमारा बजारबाट अम्रसा गाउँतिर जाँदै गरेको ना ४३ प २९८ नम्बरको मोटरसाइकल बिहीबार राति दुर्घटना हुँदा भोजबहादुर महतोको मृत्यु भएको हो । प्रहरी कार्यालय चोरमाराका अनुसार घाइते हुनेमा बुद्धिराम महतो र चालक यमबहादुर पौडेलको चितवनस्थित पुरानो मेडिकल कलेजमा उपचार भइरहेको छ ।


भोजबहादुरको उपचारका क्रममा राति मृत्यु भएको प्रहरीले जनायो ।


कोरोना भाइरस (कोभिड १९) संभावित संक्रमण रोक्‍न सरकारले मंगलबारदेखि लागू हुने गरी एकसाता देशव्यापी रुपमा लकडाउन गरेको छ । प्रकाशित : चैत्र १४, २०७६ ०८:२४

प्रतिक्रिया
पठाउनुहोस्
ADVERTISEMENT

प्रधानमन्त्री ओलीको मुटुको चाल केही छिटो भएपछि राति नै अस्पताल भर्ना

स्वरूप आचार्य

काठमाडौँ — प्रधानमन्त्री केपी शर्मा ओलीलाई बिहीबार राति मुटुमा केही समस्या भएपछि त्रिवि शिक्षण अस्पतालस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरिएको छ।

प्रधानमन्त्रीकी निजी चिकित्सक प्रा.डा. दिव्यसिंह शाहका अनुसार प्रधानमन्त्री ओलीको मुटुकाे चाल केही बढेको देखिएपछि उनलाई राति नै अस्पताल लगिएको थियो। डा. शाहको अनुसार हाल प्रधानमन्त्रीलाई अब्जर्भेसनमा राखिएको छ र उनको स्वास्थ्य अवस्था सामान्य छ।

'उहाँको स्वास्थ्य अहिले ठीक छ। राति हार्ट रेट बढेको देखेर हामीले अस्पताल ल्याएका थियौं। उहाँको यो पुरानै समस्या हो। कोरोनाको प्रकोप भएको बेलामा जोखिम नहोस् भनेर मात्रै अस्पताल ल्याइएको हो,' उनले भनिन्, 'अहिले केही बेर डिस्चार्ज गर्छौं र बालुवाटार लान्छौं।'

प्रधानमन्त्री ओलीको त्रिवि शिक्षण अस्पतालमा नै फागुन २१ गते दोस्रो पटक मिर्गौला प्रत्यारोपण गरिएको थियो। उनी प्रत्यारोपण पछि फागुन ३० मा अस्पतालबाट डिस्चार्ज भएका थिए।


प्रकाशित : चैत्र १४, २०७६ ०८:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×