बागलुङका सरकारी र सार्वजनिक भवनमा आइसोलेसन वार्ड बनाइने

सोमबारको बैठकपछि प्रशासनले जारी गरेको विज्ञप्तीमा आत्यावस्यक बाहेकका सवारी गुडेमा कानून अनुसार कारवाही गर्ने निर्णय पनि गरेको हो ।

सोमबारको बैठकले विभिन्न कार्यालयलाई आइसोलेसन वार्ड बनाउन सकिने व्यवस्था पनि गरेको छ ।

शिक्षा विकास तथा समन्वय इकाईमा १५ बेड, बागलुङ नगरपालिकामा १६ बेड, जिल्ला हुलाक कार्यालयमा १२ बेड र पुरानो भेटेनरीमा ६ बेड राख्न सकिने गरी व्यवस्थापन थालेको प्रमुख जिल्ला अधिकारी गौलोचन सैंजुले बताए ।

कृषि सामाग्री संस्थान, कवर्डहलहरु जस्ता सार्वजनिक महत्वका भवनलाई पनि आइसोलेसन वार्डमा विकास गर्न तयारी थालिने गरी निर्णय गरिएको बताइएको छ ।

होटल, अन्य सार्वजनिक भवन, निजी तथा सार्वजनिक क्याम्पस समेतमा पूर्वाधार बनाउन थालिने गरी सुरक्षाकर्मी र स्वास्थ्यकर्मीलाई जिम्मा दिने निर्णय गरिएको हो ।