दुर्घटनामा घाइते मोटरसाइकल चालकको मृत्यु, एकको अवस्था चिन्ताजनक

अस्पताल लैजाँदै गर्दा मोटरसाइकल चालक दिनेश गुरुङको मृत्यु भएको प्रहरीले जनाएको छ । दुर्घटनामा घाइते भएका गैंडाकोट नगरपालिका १५ का १९ वर्षीय प्रितम गुरुङको अवस्था चिन्ताजनक रहेको प्रहरी चौकी दलदलेले जनाएको छ । प्रितमको भरतपुरस्थित पुरानो मेडिकल कलेजमा उपचार भइरहेको छ । लु ३ प ४८३३ नम्बरको ट्रयाक्टर र ना ५५ प ३१६४ नम्बरको मोटरसाइकल बिहीबार राति जुध्दा मोटरसाइकलमा रहेकाहरु घाइते भएका हुन् ।

स्थानीय रामकुमार श्रेष्ठले तीव्र गतिमा रहेको ट्याक्टर र मोटरसाइकल ठोक्किएको बताए ।