हुप्सेकोट गाउँपालिकाको ताला खुल्यो 

नारायण शर्मा

नवलपरासी — एकसाता अघि स्थानीय बासिन्दाले हुप्सेकोट गाउँपालिकामा लगाएको ताला खुलेको छ । एक महिनाअघि हुप्सेकोट गाउँपालिकाको गाडी सिक्दा बच्चा किचेर फरार अधिकृत शिव सुवेदी फरार रहेपछि उनलाई कारबाहीको माग गर्दै स्थानीयले गाउँपालिका अध्यक्षको कोठामा तालाबन्दी गरेर काम ठप्प पारेका थिए । 

गत माघ ७ गते गाउपालिकाको सरकारी गाडि सिक्दा पालिका नजिकैको एक घरमा बसेका ४ जनालाई ठक्कर दिदा ७ वर्षीय दिपु गाहमगरको मृत्यु भएको थियो । ठक्कर दिएपछि फरार रहेका हुप्सेकोट गाउँपालिकाका अधिकृत शिव सुवेदी शुक्रबार भरतपुरबाट पक्राउ परेको पूर्वी नवलपरासीका प्रहरी प्रमुख दीपक रेग्मीले जानकारी दिए । उनलाई आइतबार अदालतवाट म्याद थप गरेरअनुसन्धान अघि बढाइएको रेग्मीले जानकारी दिए ।


कर्मचारी सरुवा विवादले हुप्सेकोट गाउँपालिकामा तालाबन्दी

दुर्घटनाको एक महिना ४ दिनपछि उनी पक्राउ परेका हुन् । घाइतेहरु उपचारपछि घर फर्किएका छन् । सबै घाइतेको उपचार खर्च सुवेदीका घर परिवारले तिरेको प्रहरीको भनाई छ ।


कार्यलय गत माघ ७ गते कार्यलय समय सकिएपछि गाउँपालिकाको ग १ ज ३८९ नम्बरको जिप सिक्ने क्रममा उनले घरको आँगनमा गफ गरेर बसेका ४ जनालाई ठक्कर दिएपछि फरार भएका थिए । त्यतिखेर ७ वर्षका नाबालक दिपु गाहमगरको मृत्यु भएको थियो ।


प्रकाशित : फाल्गुन १२, २०७६ १८:११
ADVERTISEMENT
प्रतिक्रिया
पठाउनुहोस्

सरकारलाई अलोकप्रिय बनाउन थुप्रै ‘रियाक्सनल इलिमेन्टहरु’ छन् : प्रधानमन्त्री ओली

कान्तिपुर संवाददाता

पाेखरा — प्रधानमन्त्री केपी शर्मा ओलीले जनतामा भ्रम छर्न र सरकारलाई अलोकप्रिय बनाउन थुप्रै ‘रियाक्सनल इलिमेन्टहरु’ लागि परेको बताएका छन् । गण्डकी प्रदेशमा नेकपाको प्रदेशस्तरिय प्रशिक्षण भेलालाई सम्बोधन गर्दै प्रधानमन्त्री ओलीले यस्तो बताएका हुन् ।


‘संसदमा हामी छलफलका लागि विधेयक प्रस्तुत गर्छौं । छलफल गर्न संसदमा त छन् नि विरोधीहरु, विपक्षीहरुले त्यहाँ छलफल गरे हुन्छ नि ।’, उनले भने । संसदमा पनि पर्याप्त कुरा नै नभएजस्तो गरी जनतामा भ्रम छरेर सरकारलाई अलोकप्रिय बनाउन ‘रियाक्सनल इलिमेन्टहरु’ थुप्रै रहेको बताए । उनले भने, ‘जनतामा भ्रम छर्न, सरकारलाई आलोकप्रिय बनाउन र यस्ता कुराहरुलाई साथ दिने, सहयोग गर्ने रियाक्सनल इलिमेन्टेस् थुप्रै छन्, जसले यस्ता कुराहरुलाई मद्दत गरेका छन्, बोकेका छन्, उठाएका छन्, र सहयोग गरेका छन्, कराएका छन, हिँडेका छन् ।’




देशलाई आवश्यक पर्ने र जनताले पत्याउने सहि नीतिहरु नभइ विगतमा बलिदानपूर्ण संघर्ष गरेका थियाैं भनेर मात्रै जनसमर्थन प्राप्त नहुने प्रधानमन्त्री ओलीले बताए । उनले सरकारले गरेका कामहरु देखेर विरोधीहरु आत्तिएकोसमेत बताए।


सरकारले दुरगामी महत्वका साथ असाधारण कामहरु गर्न थालेको उल्लेख गर्दै ओलीले तत्कालीन अवस्थामा पनि समाजलाई आवश्यक रहेको नीति, कार्यक्रम तथा योजनाहरु अगाडि बढाइएको बताए । उनले पार्टी र देशको निर्माण भबितव्यले नबन्नेसमेत बताए। निर्वाचनमा भवितव्यले जनताको अभिमत प्राप्त नगरेको ओलीको भनाइ छ ।


प्रकाशित : फाल्गुन १२, २०७६ १७:५३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×