४२९ थान लागु औषधसहित कारोबारी पक्राउ

सम्झना रसाइली

तनहुँ — जिल्लाको व्यास नगरपालिकास्थित दमौली बजारमा ४२९ थान लागुऔषधसहित लागुऔषध कारोबारी पक्राउ परेका छन् । पक्राउ पर्नेमा व्यास–२ डांगे खोल्सीमा बस्ने ३२ वर्षीय सन्तोष भुसाल रहेको जिल्ला प्रहरी कार्यालयका डीएसपी लिलाराज लामिछानेले बताए ।

‘गोप्य सूचनाको आधारमा दमौली बजारमा ठूलो परिमाणमा लागुऔषध कारोबार हुने गरेको भन्ने थाहा पाएका थियौं’, उनले भने, ‘कारोबार गर्ने व्यक्तिहरुको खोजतलास गर्दै जाँदा सन्तोषको कोठामा राखेको स्पिकरभित्र पत्रिकाले बेरी प्याकेट बनाएको लागुऔषध लुकाएको भेटियो ।’


कारोबारीको कोठाबाट २ एमएलको तरल पदार्थसहित डाइजेपाम १४३, फेनेरागन १४३ र नुफिन १४३ गरी ४२९ थान लागुऔषध, २० हजार रुपैयाँ नगद बरामद गरिएको प्रहरीले बताएको छ । उनलाई पक्राउ गरी लागु औषध मुद्दामा थप अनुसन्धान भइरहेको कार्यालयले बताएको छ । प्रकाशित : फाल्गुन ४, २०७६ १२:४०

ADVERTISEMENT
प्रतिक्रिया
पठाउनुहोस्

प्रधानमन्त्री ओली झापामा 

रासस

काठमाडौँ — प्रधानमन्त्री केपी शर्मा ओली झापा जिल्लामा आयोजना हुने विभिन्न कार्यक्रममा सहभागी हुन आइतबार झापा पुगेका छन् । भद्रपुर विमानस्थलमा प्रधानमन्त्री ओलीलाई प्रदेश नं १ का प्रमुख सोमनाथ अधिकारी, मुख्यमन्त्री शेरधन राई, भौतिक पूर्वाधार तथा यातायातमन्त्री वसन्तुकुमार नेम्वाङ, आन्तरिक मामिला तथा कानूनमन्त्री हिक्मत कार्कीलगायतले स्वागत गरेका थिए । 

प्रधानमन्त्री ओलीलाई स्वागत गर्न झापाका प्रतिनिधिसभा र प्रदेशसभाका सांसद् र स्थानीय तहका प्रमुख तथा उपप्रमुख सहभागी भएका छन् । प्रधानमन्त्रीसँगै पूर्वसभामुख सुवाशचन्द्र नेम्वाङ पनि सहभागी छन् ।

झापामा रहेका प्रधानमन्त्रीले दमक कृष्ण मन्दिरदेखि बेलडाँगी कालोपत्रे सडकको उद्घाटन, दमकबाट मोरङको मधुमल्ला जोड्ने मावाखोलामा बनेको पक्की पुलको उद्घाटन, दमक नगरपालिका–१ मा जनता आवासमार्फत निर्माण गरिएका घरको साँचो हस्तान्तरण गर्नेछन् ।

प्रधानमन्त्री ओलीले आइतबार अपराह्न बेलडाँगीमा आयोजित समारोहलाई सम्बोधन गर्ने कार्यक्रम पनि छ ।

प्रकाशित : फाल्गुन ४, २०७६ १२:२९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×