सुख्खा पहिरोले करिडोर अवरुद्ध, दर्जनौं सवारी अलपत्र
(बागलुङ) — कालीगण्डकी करिडोरको बागलुङ खण्डमा सुख्खा पहिरोले यातायात अवरुद्ध भएको छ । बुधवार बिहान बागलुङ नगरपालिका १३ को गलुवामा सडक अवरुद्ध भएपछि दर्जनौं सवारी अलपत्र परेको जिल्ला प्रहरीका निरीक्षक दिपक रिजालले बताए ।
सडक अवरुद्ध हुँदा मालढुंगा कुश्मीसेरा खण्डमा पनि बुधबार सवारी गुड्न पाएका छैनन् । पाग्जामा सडक ढलानको काम भइरहेकोले दुवै खण्डमा सवारी साधन चल्न नसकेका हुन् ।
दुवै सडकमा सवारी चल्न नसकेपछि बागलुङको बलेवा क्षेत्र र जैमिनी नगरपालिका तथा बरेङ गाउँपालिका जाने यात्रीहरु अलपत्र परेका छन् । पहिरो पन्छाउन डोजर पठाइएको छ । यो सडकबाट दैनिक दुइसय साना ठूला सवारी चल्छन् ।
प्रकाशित : माघ २२, २०७६ १३:१६प्रतिक्रिया