बन्चरो प्रहार गरी लमजुङमा वृद्धाको हत्या

आश गुरुङ

लमजुङ — सुन्दरबजार नगरपालिका ७, पाउँदीमा बन्चरो प्रहार गरी एक वृद्धाको हत्या भएको छ । घाँटीमा बन्चरो नै रहेको अवस्थामा वृद्धाको शव फेला परेको प्रहरीले जनाएको छ । बेंसीसहर–डुम्रे सडकको पाउँदीनजिकै सडकमुनि मर्स्याङ्दी आधारभूत विद्यालय पछाडि बस्ने ६० वर्षीया एकल महिला सीता भुजेल पोखरेलको हत्या भएको प्रहरीको प्रारम्भिक अनुसन्धानबाट खुलेको छ ।

घटना आइतबारको भए पनि प्रहरीले सोमबार बिहान सवा ११ बजेतिरमात्रै थाहा पाएको थियो।बन्चरो मृतकको घाँटीमै गडेको र बिँड फुक्लिएको अवस्थामा खाटमुनि फेला परेको प्रहरी अनुसन्धानबाट खुलेको छ। रगत छरपस्ट भएको र शव वरपर मकै छरिएको अवस्थामा रहेको र रगत लतपतिएको अवस्थामा शव फेला परेको स्थानीयले बताएका छन्।


निःसन्तान सीता १८ वर्षदेखि पतिसँग छुट्टिएर बस्दै आएकी थिइन्। मर्स्याङ्दी गाउापालिका ९, सिम्पानी माइती भएकी उनले २०/२२ वटासम्म बाख्रापालन गर्दै आएकी थिइन्। पछिल्लो समय पनि उनले १२ वटा बाख्रा पालेकी थिइन्। भाडामा बसेर बाख्रापालन गर्दै आएकी सीताले ८ वर्षअघि आफ्नै घर बनाएर बसेका स्थानीय बताउँछन्।


उनले कानमा लगाएका अन्दाजी अढाई तोला सुनका गहनामध्ये ठूलाठूला रिङ कानबाट चुाडालेको र केही साना रिङमात्रै फेला परेको प्रहरीले बताएको छ। केही दिनअघिमात्रै उनले एउटा खसी २२ हजार रुपैयाामा बिक्री गरेकी थिइन्। त्यो पैसा पनि उनको साथमा नरहेको प्रहरीले जनाएको छ। इलाका प्रहरी कार्यालय भोटेओडारका प्रहरी निरीक्षक लोकेन्द्र अधिकारीले यी सबै विषयमा अनुसन्धान भइरहेको बताए।


घटनाको अनुसन्धान गर्न गण्डकी प्रदेश प्रहरी कार्यालयबाट २ वटा कुकुर झिकाइएको थियो। प्रक्रिया पूरा गरी कुकुरलाई फिर्ता पठाइएको छ। घटना घटेको जानकारी आएको करिब २४ घण्टासम्म शंकास्पद व्यक्तिलाई सोधपुछबाहेक प्रहरीले कसैलाई नियन्त्रणमा लिन सकेको छैन। जिल्ला प्रहरी कार्यालय लमजुङका डीएसपी रवीन्द्रमान गुरुङले घटना आइतबार रातिको भए पनि वृद्धा एक्लै बसेको र वरपर पनि कोही नहुँदा घटना ढिलामात्रै जानकारीमा आएको बताए। ‘घटना हेर्दा कर्तव्य ज्यान प्रकृतिको हुन सक्छ। हामीले अनुसन्धान गरिरहेका छौं,’ उनले भने।


मृतककी आमा नजिकै सहकालेमा भदाको घरमा बस्दै आएको स्थानीयले बताएका छन्। छिमेकी र स्थानीयका अनुसार समय–समयमा उनको साथमा आमा आएर बस्ने गरेकी थिइन्। मृतकको शव पोस्टमार्टमको लागि लमजुङ जिल्ला सामुदायिक अस्पतालमा ल्याइएको छ। प्रकाशित : माघ १४, २०७६ १०:३४

ADVERTISEMENT
प्रतिक्रिया
पठाउनुहोस्
ADVERTISEMENT

रुपन्देहीमा ट्रक ठोक्किँदा ३ को मृत्यु, ९ जना घाइते 

अमृता अनमोल, माधव ढुंगाना

बुटवल — ट्रक आपसमा ठोक्किँदा रुपन्देहीको रोहिणी गाउँपालिका चार स्वीलिहवामा ३ जनाको मृत्यु भएको छ । ९ जना घाइते भएका छन् । भीम अस्पतालका स्वास्थ्यकर्मी गोपाल उपाध्यायका अनुसार मृत्यु हुनेमा पाल्ही नन्दन गाउँपालिका ४ का अन्दाजी ३५ वर्षीय लालु कुर्मी र भविकन कुर्मी छन् । अर्का मृतक पूर्णबहादुर भुजेलको ठेगाना खुलिसकेको छेन । 

भैरहवाबाट नवलपरासीतर्फ जाँदै गरेको ना २ ख ८४८१ नम्बरको ट्रक र भैरहवा आउँदै गरेको लु १ ख ६७४५ नम्बरको ट्रक मंगलबार बिहान करिब साढे ५ बजे एकापसमा ठोक्किएका हुन्।

घाइतेमध्ये २ जनाको अवस्था चिन्ताजनक रहेको रुपन्देही प्रहरीले जनाएको छ। घाइतेहरुको भैरहवा मेडिकल कलेज र भिम अस्पतालमा उपचार भइरहेको छ।

उपचारार्थ भीम अस्पतालमा रहेका घाइततेमध्ये ट्रक चालक तनहुँका विरेन्द्र गुरुङ, पाल्हीनन्दन नवलपरासीका अखिलेश यादव, मनिष धवल, शैलेश कुर्मी र त्रिभुवन हरिजन छन्। मेडिकल कलेजमा उपचार जारी रहेनेमा नवलपरासी पाल्हीनन्दन ४ का २७ वर्षीय विनोद धवल, ४० वर्षीय दुधही हरिजन, २७ वर्षीय मोहन राय र ३२ वर्षीय सुवास कुर्मी छन्।

बाक्लो हुस्सुका कारण दुर्घटना भएको हुन सक्ने अनुमान गरिएको छ।

प्रकाशित : माघ १४, २०७६ १०:०३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×