पोखरा विमानस्थलबाट २९ राउन्ड गोलीसहित एक पक्राउ

पोखरा महानगरपालिका–२७ रिठ्ठेपानीका ४० वर्षीय जितु शाहीको झोलामा २२ बोर राइफलमा प्रयोग हुने गोली भेटिएको हो ।

उनी यति एयरको उडानमार्फत् बिहान १०ः१५ बजे काठमाडौं उड्न लागेका थिए । विमानस्थलमा एक्सरे मेसिनले जाँच गर्ने क्रममा शाहीको झोलामा फलामजन्य वस्तु देखिएपछि प्रहरीले खानतलासी गर्दा गोली भेटिएको थियो ।

जिल्ला प्रहरी कार्यालय कास्कीका प्रवक्ता डीएसपी राजकुमार केसीले शाहीलाई नियन्त्रणमा लिएर थप अनुसन्धान भइरहेको बताए ।