गण्डकीमा कांग्रेसले पनि गर्यो उम्मेदवारी दर्ता
पोखरा — राष्ट्रिय सभा निर्वाचनका लागि गण्डकी प्रदेशमा कांग्रेसबाट सूर्यप्रसाद रेग्मी र विमला गौचनले उम्मेदवारी दर्ता गरेका छन् । रेग्मीले अन्य समूह र गौचनले महिलाबाट आइतबार गण्डकी प्रदेश निर्वाचन कार्यालयमा उम्मेदवारी दिएका हुन् ।
रेग्मीको प्रदेश सांसद भागवतप्रकाश मल्ल प्रस्तावक र भीरकोट नगरपालिकाको मेयर छायाराम खनाल समर्थक रहेका छन् । त्यस्तै गौचनको प्रस्तावकमा जलजला गाउँपालिका पर्वतकी उपाध्यक्ष सीमा गर्बुजा र समर्थकमा भीरकोट नगरपालिका स्याङ्जाका उपमेयर सीमा कर्माचार्य छन् ।
राष्ट्रिय सभा निर्वाचनका लागि १८ पदमा निर्वचान हुन गइरहेको छ । जसको लागि आइतबार ४ बजेसम्म मनोनयन दर्ताको समय तोकिएको छ ।
प्रकाशित : पुस २०, २०७६ १४:४८