आइतबार साँझ हराएका बालक मृत अवस्थामा फेला
तनहुँ — शुक्लागण्डकी नगरपालिका–३ उदेनढुङ्गामा एक बालक मृत अवस्थामा फेला परेका छन् । मृत्यु हुनेमा त्यही ठाउँका २ वर्षीय रविन नेपाली रहेको प्रहरीले जनाएको छ ।
आइतबार साँझ हराएका रविन सोमबार बिहान घरदेखि करिब २ किलोमिटरमाथि ढाङढुङ्गा ठुलोपाखा श्यामपोखरी सामुदायिक वनमा मृत अवस्थामा फेला परेको डीएसपी लिलाराज लामिछानेले बताए ।
टाउको छुट्टिएको, पेट तथा ढाडको मासु नभएको अवस्थामा बालकको शव फेला परेको डीएसपी लामिछानेले बताएका छन् । शवको प्रकृति हेर्दा चितुवाले खाएको हुन सक्ने आंकलन गरिएको पनि उनले बताए ।
यसअघि चितुवाको आक्रमणबाट भानु नगरपालिकामा ६ जना बालबालिकाको ज्यान गइसकेको छ । त्यस्तै ४ जना घाइते भएका छन् ।
प्रकाशित : पुस १४, २०७६ १३:३६प्रतिक्रिया