नरभक्षी पोथी चितुवा नियन्त्रणमा

सम्झना रसाइली

(तनहुँ) — जिल्लाको भानु नगरपालिका १ बाट नरभक्षी एक पोथी चितुवालाई नियन्त्रणमा लिइएको छ । लामो समयदेखि आतंक मच्चाउँदै आएका चितुवा नियन्त्रणका लागि थापिएको पासोमा सोमबार पोथी चितुवा परेको हो । वनमा बनाइएको परम्परागत काठको खोरमा परेका उक्त चितुवालाई डिभिजन वन कार्यालय तनहुँका कर्मचारीले मंगलबार बिहान लगेको छ । 

चितुवालाई चितवन राष्ट्रिय चिकुञ्ज पुर्‍याइनेछ । पासोमा परेका चितुवा बालबालिकालाई आक्रमण गर्ने नै रहेको अनुमान गरिएको छ । नरभक्षी चितुवा नियन्त्रणमा लिइएपछि स्थानीय खुसी भएका छन् ।

चितुवा आतंकका कारण भानु नगरपालिकाको १, २, ३ र ४ वडाका बासिन्दा झन्डै दुई वर्षदेखि भोक न निद्राको अवस्थामा छन् । चितुवा बस्तीमा पसेर बालबालिका र पशु चौपायालाई आक्रमण गर्दै आएका थिए ।

बाख्रासहित थापिएको पासोमा यसअघि २ भाले चितुवा परेका थिए भने ३ चितुवा मृत अवस्थामा भेटिएको थियो ।

प्रकाशित : कार्तिक २६, २०७६ ०९:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

काभ्रेमा फेरि सवारी दुर्घटना, १ को मृत्यु, १ जना घाइते

कान्तिपुर संवाददाता

काभ्रे — अरनिको राजमार्गअन्तर्गत २५ किलोमा मंगलबार बिहान सवारी दुर्घटना हुँदा १ को मृत्यु भएको छ । अर्का १ जना घाइते छन् ।

अन्टेस्ट मोटरसाइकललाई बा १० च २१५४ नम्बरको जिपले ठक्कर दिँदा बाइकमा सवार भक्तपुर ९ का २० वर्षका बिमल कोतुजुको मृत्यु भएको जिल्ला प्रहरी प्रवक्ता डिएस्पी दिपक गिरिले जानकारी दिए । उनका अनुसार कोतुजु चढेको मोटरसाइकल पछाडि रहेको बा ३ ख ७०८७ नम्बरको टिपरले किच्दा मृत्यु भएको हो ।

घाइते चागुनारायण ८ का प्रेमप्रसाद दाहालको बनेपा अस्पतालमा उपचार भइरहेको प्रहरीले जनाएको छ ।

यस्तै, बीपी राजमार्गमा सोमबार दिउँसो भएको दुर्घटनामा मृत्यु हुनेको सनाखत भएको छ । मृत्यु हुनेमा नमोबुद्ध ६ का ६५ वर्षका रामकृष्ण कार्की रहेको प्रहरीले जनाएको छ । दुर्घटनामा घाइते ५ जनाको नर्भिक अस्पतालमा, ४ जनाको बिएन्डबि र १/१ जनाको ट्रमा सेन्टर र भेनस अस्पतालमा उपचार भइरहेको छ ।

७ जनाको धुलिखेल अस्पतालमा उपचार भइरहेको छ । ६ जना डिस्चार्ज भइसकेका छन् ।

प्रकाशित : कार्तिक २६, २०७६ ०९:०७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×