गोरखामा सिंगुस भनिने सानो बारुलाले चिल्दा ६ घाइते
गोरखा — पालुङटार नगरपालिका–४ स्थित अल्का चिलाउने जंगलमा गोठाला गएका ६ स्थानीयलाई सिंगुस भनिने सानो बारुलाले चिल्दा घाइते भएका छन् ।
सोमबार सिंगुसले चिल्दा घाइते भएका मध्ये चार जना स्थानीय मेडिकलमा उपचार गरी घर फर्किएका र दुई जनालाई थप उपचारका लागि भरतपुरस्थित मेडिकल कलेज रेफर गरिएको डीएसपी मित्रबन्धु शर्माले बताए ।
‘चराचुरुंगी वा कुनै वन्यजन्तुले जिस्काएपछि घटना भएको बुझेका छौँ,’ उनले भने ।
चितवन रेफर भएकाहरुको स्वास्थ्य अवस्था पनि सामान्य बनेको स्थानीयहरुले बताए । उनीहरुलाई घाँटी, हात र अनुहारमा चिलेको पनि स्थानीयले बताए ।