मनकामनामा कुकुर आतंक - गण्डकी - कान्तिपुर समाचार
कान्तिपुर वेबसाईट
AdvertisementAdvertisement

मनकामनामा कुकुर आतंक 

कान्तिपुर संवाददाता

गोरखा — सहीद लखन गाउँपालिकास्थित मनकामनामा भुस्याहा कुकुर आतंक बढेको छ । सोमबार मात्र दुई भक्तजन र एक स्थानीयलाई कुकुरले टोकेपछि स्थानीय त्रसित बनेका छन् ।


तीन दिनको अन्तरालमा सात जना स्थानीयलाई कुकुरले टोकेको स्थानीयहरुले बताए । ‘मन्दिर आसपासमै २०/३० वटा कुकुर छन् । ती मध्ये खैरो एउटा कुकुरले र्‍याल चुहाउँदै मान्छे जथाभावी टोक्न थाल्यो,’ स्थानीय नरेन्द्र जोशीले भने ।


कुकुर नियन्त्रणमा लिन प्रहरीलाई भनिएको उनले बताए । सोमबार बिहानैदेखि उक्त कुकुर नियन्त्रणका लागि खोजी भइरहेको छ । रेविजको आशंका गरिएको उक्त खैरो कुकुरको अन्यसँग पनि लसपस भएको हुनसक्ने स्थानीय बताउँछन् ।


‘भुस्याहा र घर पालुवा छुट्टाएर ब्यवस्थापन गर्नुपर्ने छ,’ उनले भने । स्थानीय मेडिकलमा केही दिनयता दिनदिनै कुकुरले टोकेको समस्या लिएर आउने गरेको स्थानीय मेडिकल सञ्चालक जित बहादुर क्षेत्रीले बताए ।

प्रकाशित : आश्विन २७, २०७६ १३:१५
प्रतिक्रिया
पठाउनुहोस्

हत्या आरोपी सांसद आलमको सेवासुविधा रोक्का*

कान्तिपुर संवाददाता

काठमाडौँ — हत्या आरोपमा पक्राउ परेका नेपाली कांग्रेसका सांसद मोहम्मद अफताब आलमको सेवासुविधा रोकिएको छ । संसद सचिवालयले सोमबार सूचना जारी गरी आलमको सेवासुविधा रोक लगाइएको जानकारी दिएको हो ।

रौतहट क्षेत्र नम्बर २ बाट निर्वाचित सांसद तथा पूर्वमन्त्री आलमलाई प्रहरीले आइतबार बिहान इद्रिस गेट अगाडिबाट नियन्त्रणमा लिएको थियो । उनी कांग्रेस पूर्व केन्द्रीय सदस्यसमेत हुन् । आलमलाई २०६४ चैत्र २७ गते राजपुरमा भएको बम विस्फोटको घटनामा घाइते भएकाहरुलाई जिउँदै जलाएर हत्या गरेको आरोप छ ।

अदालतबाट दोषी ठहर भएमात्र आलमको पद गुम्ने छ । यसैगरी अदालतले दोषी ठहर गरे उक्त पद रिक्त हुनेछ। अदालतले अन्तिम फैसला नगरेसम्म उनी सांसदको लोगो लगाएर जेलमै रहनेछन्।

*सेवासुविधामाथि रोक्का हुनुपर्नेमा अन्यथा भएकोले सच्याइएको छ ।

प्रकाशित : आश्विन २७, २०७६ १३:११
पूरा पढ्नुहोस्
प्रतिक्रिया
पठाउनुहोस्
×