रजहरमा २० वर्षपछि वाणिज्य बैंक पुनःस्थापना
(नवलपरासी) — रजहरमा २० वर्षपछि राष्ट्रिय वाणिज्य बैंक पुन:स्थापना भएको छ । देवचुली नगरपालिका १६ को टांगिकोट बजारमा पुन:स्थापना गरिएको बैंकको नगरपालिकाका मेयर पूर्णकुमार श्रेष्ठले एक समारोहबीच शुक्रबार उद्घाटन गरे । उनले वाणिज्य बैंक पुन:स्थापनाले स्थानियवासी हर्षित भएको बताए ।
रजहरमा प्रहरी चौकी र कावासोतीमा इलाका प्रहरी कार्यालय रहेकोले सुरक्षित महसुस गर्दै बैंक कावासोती सारिएको ठीक २० वर्षपछि फेरि पुरानै स्थानमा ल्याइएको हो । द्वन्द्वकालमा असुरक्षाको कारण देखाउँदै ०५६ सालमा तत्कालीन टांगिकोट बजारमा रहेको वाणिज्य बैंक शाखालाई कावासोती सारिएको थियो ।
रजहरमा निजी क्षेत्रका ६ वटा बैंक शाखा यसअघि नै खोलिसकेका छन् ।
प्रकाशित : भाद्र १३, २०७६ १७:४९प्रतिक्रिया