ब्रेक फेल भएर तनहुँमा बस दुर्घटना, महिलाको मृत्यु

कान्तिपुर संवाददाता

(दमौली) — ब्रेक फेल भएर बस दुर्घटना हुँदा आइतबार तनहुँमा एक महिलाको मृत्यु भएको छ । मृत्यु हुनेमा व्यास नगरपालिका–१३ का ५४ वर्षीया गोमा पन्त रहेको प्रहरी नायब उपरीक्षक लिलाराज लामिछानेले बताए ।

दमौलीबाट छाब्दी जाँदै गरेको ग १ ख २७०३ नम्बरको मिनिबस ब्रेक फेल भएर पछाडी गुड्दा गोठमा काम गरिरहेकी उनलाई बसले किच्दा सख्त घाइते भएकी थिइन्। घाइतेको जिल्ला अस्पताल दमौलीमा उपचारका क्रममा मृत्यु भएको प्रहरीले बताएको छ।

प्रकाशित : भाद्र ८, २०७६ १७:१९
प्रतिक्रिया
पठाउनुहोस्

सरोकार समितिले माग्यो उपकुलपतिको राजीनामा

कान्तिपुर संवाददाता

काठमाडौँ — ‘राप्ती स्वास्थ्य विज्ञान प्रतिष्ठान बचाऊ अभियान’ नाममा केही दिनअघि गठित सरोकार समितिले प्रतिष्ठानका उपकुलपति डा संगीता भण्डारीको राजीनामा माग गरेको छ ।

विभिन्न पेशा, व्यवसायी, अधिकारको क्षेत्रमा काम गरिरहेका व्यक्तिले स्वस्फूर्तरुपमा गठन गरेका अभियानले प्रष्तिठानको वास्तविक अवस्था अध्ययन गरी उपकुलपतिको राजीनामा नै उपयुक्त उपाय भएको ठहर गर्दै राजीनामासमेत मागेको हो ।

अभियानका अगुवा विकिरण गौतमको नेतृत्वमा आइतबार अपराह्न प्रतिष्ठान पुगेको टोलीले रजिष्ट्रार रामप्रसाद प्याकुरेललाई राजीनामा माग्नु पर्नाको कारणसहित पत्र बुझाएको थियो ।

राप्ती उपक्षेत्रीय अस्पताल राप्ती स्वास्थ्य विज्ञान प्रतिष्ठानका रुपमा स्तरोन्नति हुँदा पनि जिल्लावासीले चाहे अनुसारको सेवासुविधा नपाएको उपकुलपतिकै कारण प्रतिष्ठान धरासायी बनेको उनीहरुको आरोप थियो ।

प्रकाशित : भाद्र ८, २०७६ १७:१०
पूरा पढ्नुहोस्
प्रतिक्रिया
पठाउनुहोस्