मुख्यमन्त्री गुरुङ बेलायत प्रस्थान 

प्रतिक्षा काफ्ले

(गण्डकी) — गण्डकी प्रदेशका मुख्यमन्त्री पृथ्वीसुब्बा गुरुङ् शुक्रबार बेलायत प्रस्थान गरेका छन् । बेलायतमा हुने नेपाली मेलामा भाग लिनका लागि मुख्यमन्त्री गुरुङ धर्मपत्नी कुमारीमुनी गुरुङसँगै शुक्रबार प्रस्थान गरेको स्वकीय सचिव सुर्यप्रसाद गुरुङले जानकारी दिए । 

ZenTravel

हाम्रो संस्कृति, हाम्रो पहिचान, हाम्रो गौरव भन्ने मुल नारासहित आइतबारदेखि बेलायतमा नेपाली मेला सुरु हुँदैछ । सोही मेलामा मुख्यमन्त्री गुरुङ प्रमुख अतिथिको रुपमा सहभगी हुने छन् । तमू धीं युकेको आयोजनामा २००९ देखि नेपाली मेला सञ्चालन हुँदै आएको छ ।

Meroghar


बेलायत बसाईको क्रममा मुख्यमन्त्री गुरुङले एनआरएनए बेलायतसहित विभिन्न नेपाली समुदायले आयोजना गर्ने कार्यक्रमहरुमा पनि सहभागी हुने कार्यक्रम तय भएको छ । बेलायत बसाईंको क्रममा एनआरएनए नेपालीहरुलाई प्रदेशमा लगानी लागि आग्रह गर्ने र नेपाल भ्रमण वर्षका लागि वतावरण बनाउन आफ्नो भ्रमण फलदायी हुने मुख्यमन्त्री गुरुङले बताए ।

मुख्यमन्त्री गुरुङ भदौ १४ गते स्वदेश फर्कने निजी सचिवालयले जनाएको छ ।

प्रकाशित : भाद्र ६, २०७६ १३:०५
प्रतिक्रिया
पठाउनुहोस्
ADVERTISEMENT
ADVERTISEMENT

मदरसाका लागि सम्मेलन[फोटोफिचर]

प्रतिक्षा काफ्ले

स्याङ्जा — मदरसा स्थापनाका लागि सहयोग जुटाउन पुतलीबजारमा मुस्लिम समुदायको धार्मिक सम्मेलन सुरु भएको छ । मदरसा स्थापनाका लागि तहफ्फुजे सुन्नीयत रहमत आलम कन्फ्रेन्स (जलसा) गरिएको आयोजकले जनाएका छन् ।

मुस्लिम समुदायका अनाथ बालबालिकालाई छात्राबाससहित अध्यापन गराउन प्रारम्भिक तहको विद्यालय सञ्चालन गरिने समाजका अध्यक्ष शेरअली मियाँले बताए । जलसामा विभिन्न जिल्ला र विदेशबाट पनि प्रतिनिधि सहभागी छन् । स्याङ्जाका रहेका ७ मदरसामा प्रत्येकमा ६०/७० बालकालिका अध्ययन गर्छन् ।

२५ लाख खर्च र २५ लाख रुपैयाँ बचतसहित ५० लाख बराबरको आर्थिक कारोबार गरिने बताउँदै समाजका अध्यक्ष मियाँले १० देखी १५ हजार जनसंख्याको सहभागिता रहने बताए ।

विद्यालयसंगै संकलित रकम बचत भएमा भग्नावशेष पुर्वाधारको मर्मत गरिने आयोजकको लक्ष्य छ । धार्मिक प्रवचनमा युकेका मौलाना नुरानी मियाँ प्रमुख वाचक रहेका छन् । यसैगरी दोस्रो बाचकको रुपमा भारतबाट साउथ एसियाका मौलाना अबुल हक्कानी, नेपालबाट जनकपुरका शेरे नेपाल जैसे मोहम्मद सिद्धिकी रहेको आयोजकले बताएको छ ।

सिद्धिकी इस्लाम धर्मका नेपाल साउथ एसियाकै लोकप्रिय धर्मगुरु पनि हुन् । जल्सामा एक रातभरी मुस्लिम धर्मको प्रचारप्रसार गरिने, नयाँ पुस्तालाई धर्मबारे बुझाउने कार्य हुनेछ ।

प्रकाशित : चैत्र २३, २०७५ २०:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×