अपांगता परिचयपत्र वितरण

सरकारको घोषणाअनुसार उनीहरूको अवस्था हेरी नगर क्षेत्रभित्रका अपांगता भएका व्यक्तिलाई क, ख, ग र घ समूहमा विभाजन गरी परिचयपत्र वितरण गरिएको हो । पूर्ण अशक्त अपांगता भएका व्यक्तिले ‘क’ वर्गको रातो, अति अशक्तलाई ‘ख’ वर्गको नीलो, मध्यमलाई ‘ग’ वर्गको पहेंलो र सामान्य अपांगता भएका व्यक्तिलाई ‘घ’ वर्गको सेतो रंगको परिचयपत्र प्रदान गरिएको हो । पोख्रेलले भनिन्, ‘नगरका सबै १२ वटै वडाबाट अपांगता परिचयपत्र वितरण गर्दा उनीहरूलाई नगरपालिकासम्म आउनुपर्ने झन्झट उठाउनु परेन ।’

१३० जनालाई रातो, २०५ जनालाई नीलो, १२४ जनालाई पहेंलो र ७२ जनालाई सेतो परिचयपत्र वितरण गरिएको छ । सबैभन्दा धेरै वडा १० मा ६३ जना र सबैभन्दा कम वडा ४ मा २४ जनालाई परिचयपत्र प्रदान गरिएको नगरपालिकाले जनाएको छ । ‘परिचयपत्र वितरणका लागि गत जेठ ८ र ९ गते निवेदन संकलन गर्नुका साथै शारीरिक अवस्था जाँच गरिएको थियो’, उनले भनिन्, ‘उक्त मितिमा छुटेकाको वडामै डाक्टरसहितको टोली पुगेर शारीरक जाँच गरी

परिचयपत्र प्रदान गरिएको छ ।’