ईआईए र आईईआई गर्न माग

प्रतीक्षा काफ्ले

गण्डकी — गण्डकी प्रदेश सरकारले प्रारम्भिक वातावरण परीक्षण (आईईई) र वातावरण प्रभाव मूल्यांकन (ईआईए) आफूले गर्न पाउनुपर्ने भन्दै संघीय सरकारसमक्ष पुनः माग गरेको छ  । यही आइतबार बसेको मन्त्रिपरिषद् वैठकको निर्णय मंगलबार सार्वजनिक गर्दै सरकारका प्रवक्ता भौतिक पूर्वाधार विकासमन्त्री रामशरण बस्नेतले ईआईए र आईईईको अधिकार संघीय सरकारलाई भएपछि प्रदेशका विकास निर्माण प्रभावित भएको बताए  ।

‘संघले यी विषयमा अधिकार नदिए प्रदेश सरकारका ३० वटा गौरवका योजना प्रभावित हुनेछन्,’ उनले भने, ‘यसअघि पनि केन्द्रसँग यसको माग भएको हो । तर सुनुवाइ नभएपछि फेरि माग गरेका हौं ।’


यसैगरी बैठकले निर्माण कार्य सम्पन्न भई भुक्तानी गर्न बाँकी रहेको मोडेल कृषि फार्मको रकम पनि दिने निर्णय गरेको छ । भूमिव्यवस्था, कृषि तथा सहकारी मन्त्रालयअन्तर्गत गत वर्षका २५ वटा फार्मका अनुदानको १ करोड ३४ लाख ९५ हजार ३ सय रुपैयाँ दिने भएको हो । विभिन्न जिल्लाको विभिन्न शीर्षकमा छुट्याइएको उक्त रकम एग्रो टुरिजम फार्म, पर्यटकीय सहकारी र होमस्टे रहेका छन् ।


यसरी नै सरकारले भौतिक पूर्वाधार तथा यातायात मन्त्रालयकै र्स्माट लाइसेन्सको सम्पूर्ण अधिकार आफ्नै स्वामित्वमा हुनुपर्ने माग गरेको छ । र्स्माट लाइसेन्समा जनताले बढी दुःख पाएको हुदाँ संघीय सरकारसंँग अधिकार माग गरिएको उनले बताए । प्रवक्ता बस्नेत भन्छन्, ‘सुरुमा सफ्टवयर देऊ अनि बल्ल स्मार्ट लाइसेन्स दिन सक्छौ भनेका छौ । अधिकार पाए प्रिन्ट पनि हामीले नै गर्नेछौं । यो प्रणाली हस्तान्तरण गर्न बारम्बार माग गरिए तापनि सुनुवाइ नभएपछि बैठकले नै निर्णय गरेको हो ।’

उनले उद्योग, पर्यटन, वन, वातावरण प्रदेशको नीति २०७६ स्वीकृत गरेको बताउँदै विज्ञान तथा प्रविधि नीति २०७६ पनि स्वीकृत गरेको जानकारी दिए । पहिरोका कारण बागलुङ जिल्लामा ज्यान गुमाएका ७० वर्षीय असारी सिंपाली, ४५ वर्षीया पञ्चकुमारी र १२ वर्षीय प्रवीणको परिवारलाई क्षतिपूर्तिबापत १/१ लाख रुपैयाँ दिने भएको छ ।

प्रकाशित : श्रावण २९, २०७६ १२:०४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

लुटपाट गर्नेको खोजीमा बेवास्ता

कान्तिपुर संवाददाता

बागलुङ — प्रतिवन्धित लागूपदार्थ सुघाएर युवकलाई बेहोस बनाई लुटपाट गर्नेको खोजीमा प्रहरीले बेवास्ता गरेको परिवारका सदस्यले गुनासो गरेका छन् ।गत बिहबिार बागलुङ नगरपालिका–१२ का युवक किरण आचार्य रात्रिबसमा लुटिएका थिए । प्रतिबन्धित ‘कोलोफम’ नामक लागूपदार्थ सुँघाइएकाले उनी बेहोस भएका थिए । आचार्यको ३६ घण्टा आईसीयूमा उपचार गरेपछि होस खुलेको थियो ।

बिरामी आचार्यले अझै आँखा देख्न सक्दैनन् । खुट्टा लुलो भएकाले हिँड्न नसक्ने अवस्थामा थप उपचार भइरहेको बाबु मुक्तिरामले बताए । परिवारका सदस्यले शुक्रबारै जिल्ला प्रहरीमा दिएको उजुरीको छानबिन सुरु नभएको गुनासो छ ।

जिल्ला प्रहरीका नायब उपरीक्षक झबिन्द्रप्रसाद भट्टराईले अनुसन्धानको प्रक्रिया सुरु भएको बताए । घटनापछि पीडितले काठमाडौंको गंगबुस्थित प्रहरी चौकीमा उजुरी गरेका थिए । धौलागिरी यातायात बस व्यवसायी समितिको दबाबपछि जिल्ला प्रहरीले उक्त उजुरी फिर्ता गरेर बागलुङ मगाएको थियो ।

काठमाडौंमा पक्राउ परेका चालक र सहचालक बागलुङ झिकाएपछि एक दिन राखेर चालकलाई छाडिएको छ । उक्त बस र चालक नियमित काममा फर्केका छन् । परिवारका सदस्य र आफन्त भने कानुनी उपचार खोज्दै दैनिक जिल्ला प्रहरी धाइरहेका छन् । तर प्रहरीले वास्ता नगरेको उनीहरूले गुनासो गरे ।

‘यो सामान्य घटना हो भन्नै दिनदिनै आएर झमेला नगर्न भनेका छन,’ पीडितका आफन्त भविदत्त शर्माले भने, ‘प्रक्रियामा गएर अनुसन्धान गरिएकाले काम भएपछि जानकारी दिन्छौं भनेका छन् ।’ तर प्रतिबन्धित लागूपदार्थबाट बिरामी परेकाले दोषीलाई पक्राउ गरेर कारवाही गर्नुपर्ने उनीहरूको माग छ ।


पटक पटक डाकिएका बैठकमा समितिका पदाधिकारी नआई प्रहरीका प्रमुखलाई फोन गर्ने पीडितको गुनासो छ । ‘समितिले वास्ता गर्दैन, प्रहरीले हुँदैछ भनेर तर्काउँछ,’ शर्माले भने, ‘हामी न्याय खोज्न कता जाने ।’ काठमाडौंस्थित मनमोहन अस्पतालमा आईसीयूमा उपचार गरेपछि पीडित आचार्यलाई फेरि आँखा उपचार थालिएको छ ।

धौलागिरी अञ्चल यातायात बस व्यवसायी समितिको ध१ख ६१३ नम्बरको बसमा उनी बिहीबार काठमाडौं गएका थिए ।रात्रिबसमा काठमाडौं हिँडेका उनलाई थानकोट पुग्ने बेलामा उक्त औषधि सुँघाएको अनुमान प्रहरीले गरेको छ । बेहोस भएपछि उनको साथमा भएको सिक्री, औंठी र नगद १५ हजार लुटिएको थियो ।

प्रकाशित : श्रावण २९, २०७६ १२:०४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×