१० लाख घूस लिएर नक्कली चालक खडा गर्ने प्रहरी निरीक्षक अख्तियारको नियन्त्रणमा 

नारायण शर्मा

नवलपरासी — सवारी ज्यान मुद्दामा १० लाख घूस लिएर नक्कली चालक खडा गर्ने गैंडाकोटका प्रहरी निरीक्षक अख्तियारको कारबाहीमा परेका छ्न् । अख्तियार दुरुपयोग अनुसन्धान आयोगको केन्द्रीय टोलीले इलाका प्रहरी कार्यालय गैंडाकोट नवलपुरका प्रमुख प्रहरी निरीक्षक लोकबहादुर जिसीलाई मंगलबार पक्राउ गरी अनुसन्धान थालेको हो ।

ZenTravel

उनीविरुद्ध १० लाख रुपैयाँ लिएर सवारी ज्यान मुद्दामा चालक फेरेको प्रमाणसहित उजुरी परेको थियो।

Meroghar

सवारी दुर्घटनामा एक जनाको मृत्यु र अर्का गम्भीर घाइते भएको घटनामा जिसीले चालक फेरेर दोषीलाई उन्मुक्ति दिएका थिए। घटनाको विषयलाई लिएर प्रहरी निरीक्षक जिसीले उल्टै पीडित पक्षलाई हप्कीदप्की गरेको प्रमाण फेला परेको अख्तियारले जनाएको छ। आयोगका अनुसार वैशाख ११ मा बोधराज पाण्डेले चलाएको जिपले विपरीत दिशाबाट आउँदै गरेको मोटरसाइकललाई ठक्कर दिएको थियो। पूर्व–पश्चिम राजमार्गमा राति ११ बजे भएको घटनाको अनुसन्धानमा प्रहरी निरीक्षक जिसीले बेइमानी गरेको पीडित पक्षको भनाइ छ।

निरीक्षक जिसीले मोटरसाइकल चालक गम्भीर घाइते र पछाडि बस्ने महिलाको मृत्यु भएकाले चालकको पहिचान नुखल्ने भन्दै १० लाख खाएर पाण्डेको साटो किसुन महतोलाई नक्कली चालक बनाएर उभ्याएका थिए। महतोको सवारी चालक अनुमति पत्र छ भने दुर्घटनाको बेला सवारी चलाउने बोधराज लाइसेन्सविहीन हुन्।

प्रकाशित : जेष्ठ २२, २०७६ १५:३८
प्रतिक्रिया
पठाउनुहोस्
ADVERTISEMENT

कान्तिपुर 'रोड सो' कावासोतीमा, एउटै बजारमा साढे ४ सय ग्राहक थपिए 

नारायण शर्मा

नवलपरासी — कान्तिपुर पब्लिकेसन्सको 'रोड सो' टोली शुक्रबार कावासोती आइपुगेको छ । अभियानका क्रममा पूर्वीनवलपरासीको सदरमुकाम कावासोतीका विभिन्न भागमा घरदैलो गरी ग्राहक बनाउनुका साथै 'स्किम'का बारेमा जानकारी गराएको टिमका प्रमुख शंकर न्यौपानले बताए । उनका अनुसार पत्रिकाका ग्राहकहरु उल्लेख बढेको छ ।

टोलीले नगरका पाठक, बिक्रेतासँग अन्तरक्रिया गर्दै सुझावहरु संकलन गरेको छ ।

पाठकले नयाँ पुस्ताका लागि पछिल्ला प्रविधिका विकास र सामाजिक सञ्जालका नयाँ खुराक र जानकारीका बारेमा कान्तिपुरले नियमित समाचार दिनुपर्ने सुझाव दिएको उनले बताए । कावासोतीको एउटै बजारमा बिहीबार र शुक्रबार गरिएको रोड सोमा ४ सय ५० कान्तिपुरका ग्राहक थपिएका छन् । शुक्रबार पुरानो कावासोतीमा आयोजित प्रथम नवलपुर एजुकेशन फेयरमा कान्तिपुर पब्लिकेसन्सले नयाँ ग्राहक बनाउन र ग्राहकका चासोका बारेमा जानकारी लिन/दिन कान्तिपुरको स्टल पनि राखेको छ । स्थानीय एफएमले आयोजना गरेको एजुकेशन फेयरमा २४ वटा स्टल रहेका छन् ।


प्रकाशित : जेष्ठ १७, २०७६ १९:२८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×