हङकङबाट पीडितलाई सहयोग

पत्नि शान्ता थापाका साथ बेंसीसहर आएका उनले मृगौला प्रत्यारोपण गर्न ९ लाख रुपैयाँ खर्च लाग्ने बताए । सहयोग लिएपछि उनले भने, ‘हङकङबाट तपाईंले दिनुभएको सहयोगले मेरो उपचारमा सहयोग मिल्नेछ । सहयोग दान गर्नुहुने सबैलाई धन्यवाद’ ।

सम्पर्क समितिमार्फत केही दिनअघि पनि मर्याङ्दी गाउँपालिकामा भदौ २७ गतेको बाढीपहिरोबाट मृत्यु भएका ५ जनाका परिवारलाई १०/१० हजार र गाउँपालिकाको विपद् कोषमा ५० हजार रुपैयाँ प्रदान गरिएको संरक्षक घलेले बताए । उनका अनुसार यसअघि २०७२ वैशाख १२ गतेको भूकम्पपीडितका लागि जिल्ला विपद् व्यवस्थापन समितिको कोषमा हङकङमा संकलित १० लाख रुपैयाँ प्रदान गरिएको थियो ।

बेंसीसहरको सहजी खेल मैदान निर्माणका लागि ८ लाख र मस्र्याङदी युवा क्लवको एम्बुलेन्स खरिदनका लागि १ लाख ११ हजार १ सय ११ रुपैयाँ सहयोग दिइएको उनले बताए ।

सविच घलेका अनुसार आर्थिक वर्ष २०७४/७५ मा १८ लाख ७४ हजार २ सय २१ रुपैयाँ रकम मृगौलाबाट पीडित साथै अन्य समस्या भएका लमजुङेलाई सहयोग गरिएको छ ।

हङकङमा विभिन्न कार्यक्रमको आयोजना, ब्यक्तिगत चन्दा संकलन लगायत गरी लमजुङ सेवा समिति हङकङले संस्थागत सहयोग गर्दै आएको छ । यस्तै, लमजुङ सेवा समिति हङकङ, सम्पर्क समिति लमजुङको नाममा स्थापना गरिएको ४० लाख रुपैयाँको अक्षयकोषको ब्याजबाट गरीब, दलित तथा विपन्न परिवारलाई राहत, उपचार तथा छात्रावृत्ति प्रदान गरिँदै आएको छ । सम्पर्क समितिले हरेक वर्ष उठ्ने करिब साँढे ४ लाख रुपैयाँबाट दलित, गरिब तथा असहायको उपचारका लागि १० हजारदेखि २० हजार रुपैयाँ सहयोग गर्दै आएको छ ।