११ दिने शिशुको शव फेला

भदौ ८ गते रातको १२ बजे बच्चा हराएको भन्दै टेलिफोनबाट उजुरी प्राप्त भएपछि प्रहरीले अनुसन्धान थालेको थियो । घटना थप रहस्यमय बन्दै गएपछि रस्मी पक्राउ परेकी थिइन् । ‘रस्मीलाई पक्राउ गरेर अनुसन्धान गर्दा हत्या गरेको स्वीकारिन्,’ एसपी विमल बस्नेतले भने, ‘मंगलबार रस्मीको बयानअनुसार हामीले घर नजिकैको बारीमा गएर हेर्दा बोराले बेरेको अवस्थामा खाल्डोभित्र शव भेट्यौँ ।’

रस्मीले एक वर्षअघि गाउँकै १९ वर्षिय सवल भण्डारीसँग अन्तरजातीय विवाह गरेकी थिइन् । छोरीले अन्तरजातीय विवाह गरेकोमा रस्मीमा माइती पक्ष असन्तुष्ट थिए । छोरीलाई छुटाउन प्रयास भइरहेको अवस्थामा घटना भएको बुझेको प्रहरीले अनुसन्धानका लागि रस्मीकी आमा सरिता गुरुङलाई पनि नियन्त्रणमा लिएर अनुसन्धान थालेको जनाएको छ ।