पहिरो पन्छाउन एक साता

बेंसीसहर-चामे सडक खुल्यो
आश गुरुङ

लमजुङ — हिमाली जिल्ला मनाङको चामे नजिकै कोतो क्षेत्रको पहिरो पन्छाउन एक साता लागेको छ । पहिरो पन्छाएसँगै सवारी आवागमन सुचारु भएको छ ।

मनाङको चामे गाउँपालिका ३, कोतो र तिर्चङाल्डाबीचमा गएको पहिरोबीच सडक निर्माणपछि गन्तव्यतर्फ जाँदै सवारी साधन । तस्बिर: कान्तिपुर

ZenTravel

अघिल्लो मंगलबार गएको पहिरो पन्छाएपछि मंगलबारबाट सवारी साधनको आवातजावत सहज बनेको स्थानीयले बताएका छन् । कमलो माटो भएकाले तत्काल ठूला मालबहाक सवारी साधनलाई भने रोक लगाएको छ ।

Meroghar


मर्स्याङ्दी नदीमा पानीको बहाव बढेपछि यसको कटानले चामे गाउँपालिका ३ कोतो र तिर्चुङल्डाबीचको सडकमा पहिरो गएको थियो । डेढसय मिटरको सडकमा पहिरो गएपछि हिमाली जिल्ला मनाङ जाने सडक १ सातासम्म अवरुद्ध भएको थियो ।

स्थानीय रमेश लामाका अनुसार पहिरो पन्छाएसँगै सवारी आवागमन सुरु भएको छ । यसअघि तल्लो क्षेत्र र माथिल्लो क्षेत्रमा रोकिएका सवारी गन्तव्यतर्फ लागेका छन् । ‘बाटो बन्द भएपछि सवारी साधन यतिकै अलपत्र थियो । पर्यटक, स्थानीय घुमाउरो बाटो प्रयोग गरेर हिँड्न बाध्य भएका थिए’ उनले भने, ‘सडक खुलाएपछि सबैलाई सहज भएको छ ।’

चामे गाउँपालिका अध्यक्ष लोकेन्द्र घलेका अनुसार डोजर ल्याएर बाटो खुलाइएको हो । आर्थिक व्ययभार डिभिजन सडक कार्यालय दमौलीले व्यहोर्ने गरी दुईवटा डोजर प्रयोग गरेर बाटो खुलाइएको उनले बताए ।

‘सडक बगाएकै दिनदेखि बाटो खुलाउने प्रयास गर्‍यौँ । दिनदिनै पानी परेकाले प्रयास असफल रह्यो । २/३ दिन पनि बिदा भयो । डोजर लगाएर पहिरोमै बाटो बनायौँ ’ उनले भने, ‘बाटो खुलेसँगै सवारी साधन, यात्रु, बटुवा तथा पर्यटकलाई सहज भएको छ ।’

डीएसपी खड्कबहादुर खत्रीका अनुसार सडक खुलेपछि सवारी साधन छल्न थालेको छ । ‘रोकिएका सवारी साधन र पर्यटक गन्तव्यमा जान थालेका छन्’ उनले भने ।

पानी परे फेरी पनि पहिरो जान सक्ने भएकाले बाटोलाई फराकिलो बनाउनेतर्फ लागेको उनले बताए । ‘अहिले गाडी गुड्ने बनाएका छौँ । यसलाई फराकिलो बनाउन आवश्यक छ’ उनले भने ।

प्रकाशित : भाद्र ५, २०७५ १८:४४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

चिनियाँ लेखकहरु नेपालमा 

कान्तिपुर संवाददाता

काठमाडौँ — चिनियाँ लेखकहरुको प्रतिनिधिमण्डल चारदिने साहित्यिक भ्रमणका क्रममा काठमाडौंमा व्यस्त छ । नेपाल प्रज्ञा प्रतिष्ठानको निमन्त्रणामा आइतबार आइपुगेको टोलीले उपत्यकाका विभिन्न सम्पदा घुम्ने र अध्ययन गरिरहेको प्रतिष्ठानले जनाएको छ । 

चिनियाँ लेखक संघका उपाध्यक्ष तथा लु सुन साहित्य प्रज्ञा प्रतिष्ठानका अध्यक्ष कवि जिडी माजियाको नेतृत्वमा आएको ६ सदस्यीय भ्रमण दलमा सियाओमिङ, चाङ छिङहुवा, ली याङछिङ, चाङ रुइफेङ र हु वेई छन् । प्रतिष्ठानले चिनियाँ साहित्यकारहरुको स्वागतमा आइतबार साँझ होटल यल्लो प्यागोडामा विशेष रात्रिभोज दिएको थियो । उक्त अवसरमा चिनियाँ पाहुनाहरुको स्वागत गर्दै प्रतिष्ठानका कुलपति गंगाप्रसाद उप्रेतीले सगरमाथा र बुद्धको देशमा मित्रराष्ट्र चीनका लेखक पाहुनाहरुलाई स्वागत गर्न पाउँदा खुसी लागेको बताए ।

उनले भ्रमणले दुई मित्रराष्ट्रबीच आपसी हितका साथै साहित्यिक एवं सांस्कृतिक सम्बन्ध बलियो र दीर्घकालीन बन्ने विश्वास व्यक्त गरे । उनले पाँच वर्षअघि सम्झौता भएबमोजिम नेपाली साहित्य चिनियाँ भाषामा र चिनियाँ साहित्य नेपाली भाषामा अनुवाद गर्ने काम भइरहेको पनि जनाए । उप्रेतीले आफ्नो पहलमा चीन तथा दक्षिण एसिया साहित्यसभा गठन भई पहिलो सभा चीनमा सम्पन्न भएको उल्लेख गर्दै दोस्रो सम्मेलन नेपालमा गर्न प्रज्ञा प्रतिष्ठान तयार रहेको बताए ।

चिनियाँ प्रतिनिधिमण्डलका संयोजक जिडी माजियाले चीन र नेपालका साहित्यिक एवं सांस्कृतिक विकासका लागि काम थप प्रभावकारी बनाउन भ्रमणले सघाउने बताए ।

प्रतिष्ठानका सदस्य सचिव प्रा. जीवेन्द्रदेव गिरीका अनुसार चिनियाँ लेखक टोलीले भक्तपुर, ललितपुर र काठमाडौंका ऐतिहासिक, धार्मिक एवं सांस्कृतिक स्थलहरुको अवलोकन गर्ने क्रममा जारी छ ।

प्रकाशित : भाद्र ५, २०७५ १८:४०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×