२१.१२°C काठमाडौं
हेटौँडा — सडकमा गुडिरहेको सैनिकको गाडीमा एक्कासी आगालागी भएको छ । त्रिभुवन राजपथको पालुङबाट सिमभन्ज्याङतर्फ जाँदै गरेको बा १ ग ३४३६ नम्वरको नेपाल आर्मीको वानटन गाडीमा बिहीबार दिउँसो एक्कासी आगलागी भएको थियो ।
मकवानपुरको थाहा नगरपालिका-६ स्थित युद्ध भैरव गण तालिम शिविर चनवन व्यारेकका सैनिक सवार रहेको उक्त गाडी आगलागीबाट पूर्ण क्षति भएको इलाका प्रहरी कार्यालय पालुङले जनाएको छ ।
प्राविधिक गडबढीका कारणले आगलागी हुँदा वानटन गाडी पूर्ण रुपमा क्षतिग्रस्त भएको प्रहरीको भनाइ छ । प्रहरी टोली, नगर प्रहरी र दमकलको सहयोगमा आगो नियन्त्रणमा लिइएको थियो । आगलागीमा कुनै माननीय क्षति भने भएको छैन ।
प्रकाशित : भाद्र २०, २०८१ १७:१३
