खोलाले बगाएर वृद्धको मृत्यु

बकैया गाउँपालिका-५ पावसस्थित सिमात खोलाले बगाएर ६५ वर्षीय आशाकाजी दोङको आइतबार मृत्यु भएको हो । वकैयाको गरगरेस्थित कृषि विकास बैंकमा चेक साट्नका लागि आइतबार बिहान दोङ घरबाट निस्केका थिए । हिउँदमा तर्ने सिमात खोलाको जगाँरबाट खोला तर्न लाग्दा दोङलाई खोलाले बगाएको इलाका प्रहरी कार्यालय फापरबारीका प्रहरी निरीक्षक नारायण थापाले बताए ।

खोलामा बाढी आएकाले उनलाई बगाएर करिब ७ सय मिटर तल पुर्‍याएको अवस्थामा शव फेला परेको प्रहरीले जनाएको छ । दोङको चेक भने प्रहरीले फेला पार्न सकेको छैन ।