३०.१२°C काठमाडौं
राप्ती खोलाले बगाएर वृद्धको मृत्यु
हेटौंडा — मकवानपुर मनहरीस्थित राप्ती खोलाले बगाउँदा एक वृद्धको मृत्यु भएको छ । मनहरी गाउँपालिका—५ वसन्तपुरका ६३ वर्षीय शेरबहादुर घलानको राप्ती खोलाले बगाएर मृत्यु भएको हो ।
मनहरी गापा-९ खरंगास्थित छोरी ज्वाइँको घर जान्छु भनी शुक्रबार बेलुका घरबाट हिँडेका घलानको शव मनहरी गापा-९ खरंगास्थित राप्ती खोलाको ढुंगाको चेपमा सोमबार बेलुका फेला परेको इलाका प्रहरी कार्यालय मनहरीका प्रहरी निरीक्षक दीपक थापाले बताए ।
'घरबाट छोरीज्वाइँको घर हिँडेका घलान छोरी ज्वाइँकोमा नपुगेपछि खोजतलास गर्ने क्रममा राप्ती खोलाको ढुंगाको चेपमा मृत अवस्थामा फेला परेको हो,' उनले भने, ‘छोरी ज्वाइँको घर जानेक्रममा राप्ती खोला तर्न लाग्दा बगाएको हुनु पर्छ ।’ छोरी ज्वाइँको घर जान राप्ती खोला तर्नु पर्छ ।
प्रकाशित : श्रावण २२, २०८१ १२:२६
