सुख्खा पहिरो खसेपछि नारायणगढ-मुग्लिन सडक अवरूद्ध
चितवन — सुख्खा पहिरो खसेका कारण सोमबार दिउँसो साढे दुई बजेबाट नारायणगढ-मुग्लिन सडक अवरूद्ध भएको छ ।
चितवन जिल्ला प्रहरी कार्यालयका प्रवक्ता डीएसपी विजयराज पण्डितका अनुसार तीन नम्बर पुलमा पहिरो खसेको हो । पहिरोले गर्दा दुईतर्फी नै बाटो अवरूद्ध भएको छ ।
डिभिजन सडक कार्यालयसँग समन्वय गरी बाटो खुलाउने काम सुरू भएको डीएसपी पण्डितले बताए ।
प्रकाशित : जेष्ठ ८, २०८० १५:१०प्रतिक्रिया
