नारायणगढ-मुग्लिन सडकमा दुर्घटना, पाँच जना घाइते, एकको अवस्था जटिल

कारमा बसेका नवलपरासी देवचुली नगरपालिका-१४ का ४३ वर्षीय टेकप्रसाद न्यौपानेको हात, खुट्टा र टाउकोमा गम्भीर चोट लागेको डिएसपी पण्डितले बताए । उनको भरतपुरमा रहेको पुरानो मेडिकल कलेजको शिक्षण अस्पतालमा उपचार भइरहेको छ । कार चालक सिन्धुपाल्चोकका २३ वर्षीय राजु भुजेलको अवस्था मध्यम छ ।

त्यसैगरी कारमै रहेका गोरखा फुजेल गाउँपालिका-३ बस्ने वर्ष ४३ का राजकुमार सापकोटा र काठमाडौं महानगरपालिका-१६ बस्ने ३३ वर्षीय रामहरि मिश्रको अवस्था मध्यम रहेको प्रहरीले जनाएको छ । नवलपरासी देवचुली-१४ का ४० वर्षीय कमल न्यौपानेको अवस्था भने सामान्य रहेको प्रहरीले जनाएको छ । सबै घाइतेहरूको पुरानो मेडिकल कलेजको शिक्षण अस्पतालमै उपचार भइरहेको छ ।