१९.१२°C काठमाडौं
काठमाडौंमा वायुको गुणस्तर: १४७

जातीय छुवाछूत र शरीर बन्धकका अभियुक्त कारागार चलान

टीकाप्रसाद भट्ट

रामेछाप — १३ वर्षीया दलित बालिकालले घरभित्र पसेर दही चोरेको भन्दै २० घण्टासम्म बाँधेर यातना दिएको अभियोगमा ६५ वर्षीय वृद्ध जेल चलान भएका छन् । रामेछापको मन्थली नगरपालिका ६ का शेरबहादुर श्रेष्ठलाई सजाय भुक्तानका लागि बिहीबार रामेछाप कारागार चलान गरिएको जिल्ला प्रहरी कार्यालय रामेछापले जनाएको छ । 

जातीय छुवाछूत र शरीर बन्धकका अभियुक्त कारागार चलान

श्रेष्ठलाई रामेछाप जिल्ला अदालतले गत भदौ २९ गते दुई बेग्लाबेग्लै मुद्दामा कैद सजाय र जरिवाना हुने फैसला सुनाएको थियो । १३ वर्षीया दलित बालिकालाई अपहरण तथा शरीर बन्धक गरेको अभियोगमा ३ वर्ष ५ महिना ८ दिन कैद र २५ हजार जरिवाना हुने सजाय सुनाइएको छ । यसैगरी श्रेष्ठविरुद्ध जातीय छुवाछूत र भेदभादसम्बन्धी कसुरमा ११ महिना ८ दिन कैद र ७५ हजार रुपैयाँ जरिवानाको फैसलासमेत रामेछाप जिल्ला अदालतले सुनाएको थियो ।

दही चोरेको आरोपमा दलित बालिकालाई २० घण्टा बाँधेर यातना

अदालतको फैसलापछि फरार रहेका श्रेष्ठलाई बुधबार आफ्नै घरमा लुकेर रहेको अवस्थामा प्रहरीले पक्राउ गरी फैसला कार्यान्वयनका लागि जिल्ला अदालतमा पेस गरेको थियो ।

श्रेष्ठ दम्पत्ति घरबाहिर गएको बेला छिमेकी १३ वर्षीया बालिकाले घरभित्र पसेर दही खाएको भन्दै उनले २० घण्टासम्म बन्धक बनाएका थिए । श्रेष्ठले बालिकालाई नियन्त्रणमा लिई घरको दलानमा नाम्लाले बाँधेर यातना दिएका थिए । बालिकालाई बाँधेर यातना दिएको सुनेपछि बालिकाको परिवार र जनप्रतिनिधिले फुकाइदिन अनुरोध गर्दा पनि नमानेपछि प्रहरीलाई गुहारिएको थियो । प्रहरीले बालिकालाई फुकाउनुका साथै श्रेष्ठलाई पक्राउ गरी हिरासतमा राखेर अनुसन्धान थालेको थियो ।

प्रकाशित : माघ २६, २०७९ १५:४८
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?