सत्रकिलाेमा पहिराे जाँदा नारायणगढ-मुग्लिन सडक अवरूद्ध- वाग्मती - कान्तिपुर समाचार

सत्रकिलाेमा पहिराे जाँदा नारायणगढ-मुग्लिन सडक अवरूद्ध

रमेशकुमार पौडेल

चितवन — नारायणगढ-मुग्लिन सडककाे भरतपुर महानगरपालिका-२९ सत्रकिलाेमा पहिराे खसेपछि यातायात अवरूद्ध भएकाे छ । चितवन जिल्ला प्रहरी कार्यालयका प्रहरी नायव उपरीक्षक (डीएसपी) नरहरि अधिकारीका अनुसार बिहिबार बिहान ८:२० बजे लेदाेसहितकाे पहिराे आएर दुईतर्फी रूपमै यातायात बन्द भएकाे हाे ।

डिभिजन सडक कार्यालयसँग समन्वय गरी बाटाे खुलाउने पहल भइरहेकाे उनले बताए । चितवनमा हिजाे साँझदेखि नै लगातार वर्षा भइरहेकाे छ ।

नारायणगढ-मुग्लिन सडक राजधानी काठमाडाैं र पर्यटकीय सहर पाेखरालाई देशकाे पूर्वी र पश्चिम भेगसँग जाेड्ने मुख्य सडक हाे ।

प्रकाशित : आश्विन २०, २०७९ ०९:०१
प्रतिक्रिया
पठाउनुहोस्

खोलाले बगाउँदा दुई दिनदेखि बालक बेपत्ता

वीरेन्द्र केसी

अर्घाखाँची — दसैंको टिका लगाउन मामाघर हिँडेका १० वर्षीय बालकलाई खोलाले बगाउँदा दुई दिनदेखि बेपत्ता छन् । सन्धिखर्क नगरपालिका- ७ खाँचीकोट किटेनीका निवासी तारा पौडेलका १० वर्षीय छोरा समीर पौडेललाई स्थानीय फज्याङ खोलाले बुधबार बगाएको प्रहरी निरीक्षक अर्जुन पौडेलले बताए । धमिलो बाढीसहितको खोला तर्दै गर्दा बगाएको आमा तारा पौडेलले जानकारी दिइन् । 

पौडेल एक छोरा र एक छोरी लिएर दसैं मनाउन भुमिकास्थान नगरपालिका– ७ स्थित चिदिचौरमा मामाघर जाने क्रममा खोला तर्न खोज्दा समीरलाई बगाएको हो । बच्चालाई खोलाले बगाएपछि उनले प्रहरीलाई खबर गरेकी थिइन् । बुधबार दिउँसोबाट प्रहरीले बेपत्ता बालकलाई खोजिरहेको छ ।

दुई दिनदेखि लगातार खोलामा खोज्दा समेत केही फेला पर्न नसकेको प्रहरी निरीक्षक पौडेलले बताए । तीन दिनदेखि लगातार परिरहेको अविरल वर्षाका कारण धमिलो खोला भएकाले खोजीकार्य गर्न निकै सकस परिरहेको उनले बताए ।

प्रकाशित : आश्विन २०, २०७९ ०८:४२
पूरा पढ्नुहोस्
प्रतिक्रिया
पठाउनुहोस्
×