दुर्घटना न्यूनीकरण गर्न वाग्मती प्रदेशभर ‘टाइम कार्ड’- वाग्मती - कान्तिपुर समाचार

दुर्घटना न्यूनीकरण गर्न वाग्मती प्रदेशभर ‘टाइम कार्ड’

सुवास विडारी

मकवानपुर — वाग्मती प्रदेशभर सवारी दुर्घटना न्यूनीकरण गर्न ‘टाइम कार्ड’ लागू गरिएको छ । वाग्मती प्रदेश प्रहरी कार्यालय हेटौंडा-११, थानाभर्‍याङको विशेष सक्रियतामा बीपी राजमार्ग सिन्धुली, मुग्लिन-नारायणगढ खण्ड चितवन, भीमफेदी–कुलेखानी–फाखेल मकवानपुर, अरनिको राजमार्ग काभ्रे र पृथ्वी राजमार्ग धादिङमा टाइमकार्ड लागू गरिएको हो ।

चाडपर्व लागेसँगै सडकमा सवारी साधनको अत्यधिक चाप बढ्ने, तीव्र गतिमा सवारी साधन चलाउने तथा सवारी नियमको उल्लंघनसमेत बढ्ने भएका कारण सवारी दुर्घटना न्यूनीकरण गर्न टाइम कार्ड लागू गरिएको प्रहरी वरिष्ठ उपरीक्षक दीपक रेग्मीले जानकारी दिए ।

सिन्धुली जिल्ला हुँदै जाने बीपी राजमार्गस्थित भिमानदेखि नेपालथोक दुम्जासम्ममा पहिलेदेखि नै टायम कार्ड लागू गरिएको थियो । जिल्ला सुरक्षा समितिको निर्णयअनुसार अन्य जिल्लामा पनि टाइम कार्ड लागू गरिने उनले जानकारी दिए ।

प्रकाशित : आश्विन १४, २०७९ १६:१२
प्रतिक्रिया
पठाउनुहोस्

नेपालको निर्यात सम्भावना वार्षिक करिब १२ खर्ब : विश्व बैंक 

कान्तिपुर संवाददाता

काठमाडौँ — विश्व बैंकका वरिष्ठ अर्थशास्त्री गोन्जालो जे भरेलाले नेपालको निर्यात सम्भावना १२ खर्ब बराबर रहेको बताएका छन् ।  नेपाल उद्योग वाणिज्य महासंघले आयोजना गरेको कार्यक्रममा उनले नेपालसँग ९.२ अर्ब डलर बराबरको निर्यात गर्न सक्ने क्षमता रहेको बताए । साे क्षमतालाई गत आर्थिक वर्षको निर्यातसँग तुलना गर्ने हो भने आठ गुणा बढी हो ।

नेपालको निर्यात सम्भाव्यता विषयक कार्यक्रममा कार्यपत्र प्रस्तुत गर्दै अर्थशास्त्री भरेलाले विश्व व्यापार संगठनको सदस्य भएका अतिकम विकसित मुलुक क्याम्बोडिया, लाओस जस्ता देशले निर्यात उल्लेख्य बढाएको हुँदा नेपालको पनि सम्भावना रहेको बताए । लाओस क्याम्बोडिया जस्ता मुलुकहरुले धेरै विदेशी लगानी आकर्षित गर्न सकेकाले ती मुलुकको उत्पादन र उत्पादकत्व दुवै बढ्यो’ गोन्जालोले भने ‘नेपालले भने लगानी र निर्यात दुवै बढाउन सकेन ।’ उत्पादित वस्तुुहरूलाई सफलतापूर्वक अन्तर्राष्ट्रिय बजारमा ल्याउन र त्यसलाई प्रोत्साहन गर्न सरकारले निजी क्षेत्रसँग प्रभावकारी रूपमा सहकार्य गर्नुपर्ने उनको सुुझाव थियो ।

महासंघका अध्यक्ष शेखर गोल्छाले अर्थतन्त्र एउटा मात्रै रेमिट्यान्सको इन्जिनबाट चलेकाले सावधानीपूर्वक समग्र निर्यात प्रवर्द्धनमा काम गर्नुपर्नेमा जोड दिए । ‘हाम्रो अर्थतन्त्रको आधार मजबुत बनाउन सकेनौं भने जतिबेला पनि एउटा इन्जिन फेल हुन सक्ने खतरा रहेको छ’ उनले भने । हाम्रो आफ्नै स्रोतमा आधारित वस्तुहरु निर्यात गर्ने क्षमता राख्नुुपर्ने र यसका लागि निजी क्षेत्रले दिएका सुुझावहरुको कार्यान्वयनमा सरकारले विशेष ध्यान दिनुुपर्नेमा उनले जोड दिए । उद्योग सचिव डा. तोयानारायण ज्ञवालीले मुलुकभित्र भित्रिएको रेमिट्यान्सलाई देशभित्रै बचाएर राख्न नसकिएको बताए । निजी क्षेत्रलाई प्रोत्साहित गर्ने कार्यमा आफ्नो मन्त्रालय निरन्तर लागिरहेको र महासंघले अर्थतन्त्रको विस्तार, रोजगारी सिर्जना, व्यापार घाटा न्यून गर्ने उद्देश्यले ल्याएको भिजन पेपरको कार्यान्वयनका लागि सहकार्य भएको उनको भनाइ छ ।

महासंघको निर्यात प्रवर्द्धन समितिका सभापति मनिषलाल प्रधानले कार्यपत्र प्रस्तुुत गर्दै नेपालबाट निर्यात हुने वस्तुहरूको थप पहिचान एवम् प्रवर्द्धन गर्नुपर्ने, अन्तर्राष्ट्रिय मान्यताप्राप्त प्रयोगशालाको स्थापना यथाशीघ्र गरिनुपर्नेमा जोड दिए । कार्यक्रममा सहभागी निर्यात व्यवसायसँग सम्बन्धित व्यवसायीले निर्यातमा नगद अनुदानको व्यवस्थालाई प्रभावकारी रुपमा कार्यान्वयनमा ल्याउनुु पर्ने, नगद अनुदान सम्बन्धी कार्यविधि तयार गर्दा निजी क्षेत्रसँग पर्याप्त छलफल गर्नुपर्ने, कपास खेतीमा जोड दिनुुपर्ने लगायतका सुुझाव दिए ।


प्रकाशित : आश्विन १४, २०७९ १६:०१
पूरा पढ्नुहोस्
प्रतिक्रिया
पठाउनुहोस्
×