नारायणी नदीमा डुबेर युवक बेपत्ता
चितवन — धादिङ महादेवबेसी स्थायी घर भएका १६ वर्षीय अभिषेक अधिकारी पाैडी खेल्ने क्रममा मंगलबार नारायणी नदीमा डुबेर बेपत्ता भएका छन् ।
चितवन जिल्ला प्रहरी कार्यालयका प्रवक्ता डीएसपी विजयराज पण्डितका अनुसार भरतपुर महानगरपालिका-१ देवघाट नारायणी नदीमा पाैडी खेल्दै गर्दा मंगलबार साढे १२ बजेतिर अधिकरी डुबेका थिए।
अधिकारी आफ्नी आमा पार्वती अधिकरीसँग देवघाटमै डेरा गरी बसेकाे प्रहरीले जनाएकाे छ । घटनाका बारेमा दिउँसाे सवा १ बजे जानकारी प्राप्त भएपछि प्रहरीले उनको खाेजी गरिरहेको डीएसपी पण्डितले बताएका छन् ।
प्रकाशित : आश्विन ११, २०७९ १७:१४प्रतिक्रिया
